Helsefagarbeidar/pleiemedarbeidar

Vil du vere med på å skape gode og meiningsfulle kvardagar?

Vi har ledig 100 % fast stilling, der 10 % av stillinga er frie timar, for helsefagarbeidar eller pleiemedarbeidar med erfaring frå målgruppa. Stillinga er knytt til Miljøarbeidartenesta, avdeling 3 (Kvitveisen og Åsateigen), som tilbyr avlasting til barn og oppfølging av vaksne i eigen heim.

Miljøarbeidartenesta yter tenester til personar med utviklingshemming og ulike bistandsbehov. Hos oss blir du del av eit tverrfagleg fagmiljø der vernepleiarar, sjukepleiarar, miljøterapeutar, fagarbeidarar og assistentar arbeider saman for å tilby tenester av høg fagleg kvalitet.

Arbeidet i desse avdelingane er retta mot personar med omfattande bistandsbehov, og arbeidet omfattar mellom anna pleie- og omsorgsoppgåver, helseoppfølging, tilrettelegging i kvardagen og miljøarbeid. Vi søkjer deg som ser heile mennesket, er løysingsorientert og ønskjer å bidra til trygge, gode og meiningsfulle kvardagar gjennom fagleg gode og individuelt tilpassa tenester.

Har du spørsmål til stillinga? Ta gjerne kontakt for ein prat. Tilredning 01.11.26 eller etter avtale.

Arbeidsoppgåver

Oppgåvene er brukarretta, varierte og består mellom anna av:

• Oppfølging av tenestemottakarar ut frå individuelle tiltak og behov
• Pleie- og omsorgsoppgåver, praktisk bistand og helseoppfølging
• Tilrettelegging og miljøarbeid
• Observasjonar og dokumentasjon

Kvalifikasjonar

• Autorisasjon som helsefagarbeidar er ønskjeleg. Pleiemedarbeidarar med relevant erfaring vil også bli vurdert

• God norsk munnleg og skriftleg framstillingsevne
• Grunnleggjande digitale ferdigheiter til å nytte journal- og fagsystem

Ønska kompetanse og erfaring:

• Førarkort klasse B.
• erfaring frå pleie- og omsorgsoppgåver, gjerne frå arbeid med personar med utviklingshemming eller omfattande bistandsbehov

Personleg eignaheit vil bli vektlagt i stor grad. Tilfredsstillande politiattest må leggast fram før tilsetting. For tilsetting gjeld ei prøvetid på seks månadar

Personlege eigenskapar

• Du ser heile mennesket og møter andre med respekt og omsorg
• Du er trygg, ansvarsbevisst og løysingsorientert
• Du har gode samarbeids- og kommunikasjonsevner
• Du er pådrivar for å skape ei god teneste og bidreg til eit godt arbeidsmiljø.

Vi tilbyr

• Ein meiningsfull jobb med kjekke kollegaer og moglegheit for fagleg og personleg utvikling.
• Ein årsturnus med langvakter på 12,5-14 timar og arbeid i gjennomsnitt kvar fjerde helg. Turnusen gir ein komprimert arbeidskvardag med lengre samanhengande friperiodar mellom arbeidsperiodane. Det er per tid også behov for enkelte dagvakter vekedagar dersom dette er ønskelig.
• Tilsetting, lønn og arbeidsvilkår i samsvar med gjeldande lovverk, reglement og tariffavtale.
• Høgskulestudentar under relevant utdanning får ekstra lønnstillegg.
• Tillegg på kr 500 pr. vakt med langvakter laurdag og søndag. Årleg tillegg på kr 20.000 ved arbeid på natt.

Kontaktinformasjon

Julie Kristin Lothe, Avdelingsleiar miljøarbeidartenesta, 479 93 050, julie.lothe@gloppen.kommune.no Kristine Eide Ryssdal, Tenesteleiar miljøarbeidertenesta, 911 39 159, kristine.ryssdal@gloppen.kommune.no

Arbeidsstad

Grandavegen 9 6823 Sandane

Nøkkelinformasjon:

Arbeidsgivar: Gloppen kommune Referansenr.: 5181582683 Stillingsprosent: 100% Fast Søknadsfrist: 11.10.2026