Saksbehandlar Behandlingshjelpemiddel

Medisinsk heimebehandling (MEDHB) har ledig 40% midlertidig stilling som saksbehandlar. Vi er organisert som ein seksjon under Avdeling for fysikalsk medisin og rehabilitering (AFMR) i Medisinsk klinikk. Vi er eit tverrfagleg miljø på 10 personar som held til på sentralsjukehuset i Førde. I Sogn og Fjordane er det omlag 7000 pasientar som får medisinsk heimebehandling. Seksjonen har som hovudoppgåve å koordinere heimebehandlinga, som ei forlenging av behandlinga i sjukehuset. Vi er samansett av roller som sakshandsamar, medisinsk teknisk, logistikk og transport, og jobbar tett med dei kliniske avdelingane i sjukehuset.

Det er ledig 40% stilling som saksbehandlar til 31/12-2026. Det er moglegheit for forlenging eller fast stilling.

Arbeidsoppgåver

• Behandle søknadar om behandlingshjelpemiddel
• Svare pasientar på telefon og elektronisk
• Fylle ut leveringsordrar
• Samhandle internt med medisinteknikarar og ambulant team
• Stillinga vil krevje kommunikasjon og samhandling med helsepersonell og pasientar
• Arbeidsoppgåvene kan bli endra etter behov i seksjonen

Kvalifikasjonar

• Du er sjukepleiar, men anna relevant utdanning og erfaring kan kompensere for dette kravet
• Du er godt vand med bruk av PC, og set deg lett inn i nye datasystem
• Gode kunnskapar i norsk både munnleg og skriftleg

Personlege eigenskapar

• Du jobbar sjølvstendig, systematisk og effektivt
• Du taklar eit tidvis høgt tempo
• Du er god på kommunikasjon
• Jobben inneber tidvis tunge løft
• Personlege eigenskapar blir tillagt stor vekt

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Høve til å delta i utvikling av den samla tenesta
• Full opplæring i bruk av våre dataløysingar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Rune Kirkebø, Seksjonsleiar, +47 952 49 405

Arbeidsstad

Svanehaugvegen 2 6812 FØRDE

Nøkkelinformasjon:

Arbeidsgivar: Helse Førde Referansenr.: 5142876937 Stillingsprosent: 40% Vikariat Startdato: 01.08.2026 Sluttdato: 31.12.2026 Søknadsfrist: 22.06.2026