Drift av båtrutene Espevær-Eidesvik, Austevoll, Reksteren-Våge-Os og Hellesøy-Hernar

Skatteattest for skatt og meirverdiavgift og Krav til tilbydars organisatoriske og juridiske stilling

Tilbydar skal ha ordna forhold til skattemyndigheitene og Tilbydaren skal vere eit lovleg etablert føretak.

Tilbydar må ha god kompetanse og erfaring frå drift av passasjerbåtar eller hurtigbåtar, herunder erfaring med drift av minimum 2 passasjerfartøy eller hurtigbåtar med kapasitet til meir enn 12 passasjerar og lengd over 15 meter der drifta av dei to fartøya inngjekk i eit offentleg tilgjengeleg rutetilbod med offentleg oppdragsgjevar med varigheit på minimum 2 år og drifta innebar minimum 2 daglege avgangar 5 dagar i veka.

Tilbydar skal levere fullstendig utfylt prisskjema, jf. Vedlegg 7A – Prisskjema Ark Total. «Tilbodspris» for kvar båtrute fastset det avtalte årlege vederlaget for Kontrakten, og «Samla Tilbodspris for båtruta» utgjer det samla vederlaget for heile kontraktperioden. Den «Samla tilbodsprisen for båtruta» vert summert ned for kvar båtrute til «Tilbodspris for alle båtruter» som inngår i evalueringa.

Tilbydar skal fylle ut «Tilbydd maksimalt drivstoffbruk liter per rutekilometer», jf. Vedlegg 7A – Prisskjema Ark Total for kvar båtrute. Det er ikkje tillate å tilby høgare drivstoffbruk enn «Maksimalt lovleg drivstoffbruk liter per rutekilometer». Lågare «Tilbydd maksimalt drivstoffbruk liter per rutekilometer» enn «Maksimalt lovleg drivstoffbruk liter per rutekilometer», gjev redusert drivstoffbruk og utteljing i evalueringa. Lågare «Tilbydd maksimalt drivstoffbruk» vert berekna i prosent og er eit uttrykk for prosentvis reduksjon i CO2-utslepp. Den prosentvise reduksjonen bereknast som differansen mellom 1 og kvotienten til Tilbydd maksimalt drivstoffbruk liter/rutekilometer og Maksimalt lovleg drivstoffbruk liter/rutekilometer. Dette vert multiplisert med betalingsvilligheit for reduksjon i CO2. Tilbydar skal også fylle ut eingongskostnader for energiinfrastruktur, nettoppgradering og kaitilpassing. For «Infrastruktur på kaier som Oppdragsgjevar har tilrettelagt», skal tilbydar nytte Vedlegg 7A – Prisskjema Ark Nettoppgradering. Data vert overført til Prisskjema Ark Nett- og Infrastrukturmodell som so vert overført til Prisskjema Ark Total og inngår i Samla Tilbodspris for kvar båtrute. For eventuell kaitilpassing skal tilbydar fylle ut summen i Vedlegg 7A – Prisskjema Ark Total og summen inngår i «Samla Tilbodspris for kvar båtrute». Tilbydar har også høve til å etablere energiinfrastruktur på kaier Oppdragsgjevar ikkje har tilrettelagt for det. For slike tilfelle skal tilbydar oppgje pris for Nett- og infrastruktur ved å nytte Vedlegg 7A – Prisskjema Ark Nett- og Infrastrukturmodell. Dette skal også omfatte eventuell kaitilpassing. Data frå arket vert overført til Prisskjema Ark Total og inngår i Samla Tilbodspris for kvar båtrute. «Samla Tilbodspris» for kvar båtrute som igjen vert summert i «Tilbodspris for alle båtruter» som er gjenstand for evalueringa.