Veterinærvakt i Herøy veterinærvaktområde

Anskaffinga gjeld levering av veterinærvakttenester i Herøy veterinærvaktområde Kommunane Hareid, Ulstein, Herøy og Sande inngår i veterinærvaktområdet. Føremålet med innkjøpet er å dekkje behovet for klinisk veterinærvakttenester til alle tider av døgnet, utanom ordinær arbeidstid. Veterinærvakta er ein nødvendig del av beredskapen mot alvorlege smittsame dyresjukdommar og den er viktig for å oppretthalde god dyrevelferd. Ordninga med veterinærvakt er etablert i samsvar med lov av 15. juni 2001 nr. 75 om veterinærar og anna dyrehelsepersonell § 3 a.

Anskaffinga vert gjennomført i medhald av lov om offentlege anskaffingar av 17. juni 2016 nr.73 (LOA) og forskrift om offentlege anskaffingar (FOA) FOR 2016-08-12-974. del I og del IV, jf. FOA § 30-1. Kontraktstildeling vil bli føreteke etter prosedyren open tilbodskonkurranse jf. FOA § 13-1 (1). Oppdragsgjevar planlegg å tildele kontrakt utan å ha dialog med leverandørene utover å foreta eventuelle avklaringar/korrigeringar, jf. pkt. 2.3. Dersom det berre vert tildelt kontrakt på 2 eller færre delkontraktar, vil oppdragsgjevar gjennomføre dialog med leverandørar som har levert tilbod, med sikte på å etablere ei tredelt vaktordning. Dersom ein slik dialog ikkje fører fram, vil oppdragsgjevar vurdere å gjennomføre ein suppleringskonkurranse eller å avlyse konkurransen. Slik avlysing kan skje fram til kontrakt er signert.