Vikariat lærar

Vikar lærar Hognestad skule, Time kommune Time kommune har, hausten 2026, ledig eit vikariat i 100% stilling som kontaktlærar på mellomtrinnet ved Hognestad skule - snarast - t.o.m 22.12.26. Søknadane blir behandla fortløpande. Skulen ligg i landlege omgjevnader ca 5 kilometer sør frå Bryne. Skuleåret 2026-2027 har me 53 elevar fordelt på 1.-7. trinn. Skulen har eigen idrettshall som er aktiv i bruk på dag og kveldstid. Landskapet i nærområdet innbyr til gode moglegheiter for læring og aktivitet i friluft. På Hognestad er foreldra og lokalmiljøet opptekne av skulen sin, og deltek med engasjement i samhandling med skulen. Hognestad skule sine utviklingsområder er lesing, rekning, engelsk og motivasjon. Målet er at alle elevane skal oppnå sitt høgaste potensiale, og at elevane skal vera aktive i undervisninga og i eiga læring. Leik på tvers av trinn er ein av våre styrkar. Skulane i Time er ein del av Jærskulen, eit interkommunalt samarbeid om skuleutvikling saman med Hå, Klepp og Gjesdal. Hognestad skule er i nettverk saman med Bryne skule, Orre skule, Tu skule og Varhaug skule. På Hognestad skule har alle elevar og tilsette personlege læringsbrett som verktøy for å forsterka læring. Trinntid og teamtid vert brukt til refleksjon og deling med fokus på læring.

Arbeidsoppgåver

- Kontaktlærar - Sjå og møta den einskilde elev der han/ho er - Arbeida systematisk for å få eleven til å oppleva meistring og framgang - Samarbeida godt og spela på lag med andre

Kvalifikasjonar

- Godkjent lærarutdanning for barneskule og gjerne erfaring frå grunnskule - Har gode norskkunnskapar både skriftleg og munnleg. - Har god digital kompetanse - Kan ta livredningsprøven og ha symjeundervising i stort basseng.

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• -Gode samarbeidsevner, både internt og eksternt, og kunna bidra positivt i jobbfellesskapet -Evne til å kunna arbeide sjølvstendig og ta initiativ til oppgåver som må gjennomførast -Villig til å ta fatt på nye arbeidsoppgåver etter kvart som organisasjonen endrar seg -Lika utfordringar, vere engasjert, løysingsorientert og kunne trekke slutningar -Evne til å ta ansvar for eigen utvikling og ta til deg ny kunnskap -Gode kommunikasjonsevner og framstå klar og tydeleg -Gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Vi tilbyr

• Gode pensjonsordningar
• Løn etter tariff
• Ein spennande, variert og fagleg utfordrande arbeidsplass i eit godt arbeidsmiljø
• Nært samarbeid med eit breitt fagmiljø i ein organisasjon i utvikling

Der det er lovkrav om det, må politiattest registreres før første arbeidsdag tar til.

Kontaktinformasjon

Ingveig Nærland Ødegård, Rektor

Arbeidsstad

Hågenholen 1 4346 Bryne

Nøkkelinformasjon:

Arbeidsgivar: Time kommune Referansenr.: 5162346731 Stillingsprosent: 100% Vikar Startdato: 17.08.2026 Sluttdato: 22.12.2026 Søknadsfrist: 21.08.2026