Helgestillingar /ringevikar /ekstrahjelp

Vi har har behov for nye medarbeidarar på institusjonen vår og søkjer etter deg som er sjukepleiar /vernepleiar /helsefagarbeidar eller pleiemedarbeidar. Stillingsprosent etter nærare avtale.

Stillingane er som oftast med arbeid kvar 3. helg, eller turnus med langvakter. Moglegheit for langvakter også i vekedagane. Søknadsfristen er 31.10.2026, men tilsetjing skjer fortløpande.

Bemanninga på institusjonen er sett saman av sjukepleiar, hjelpepleiar/helsefagarbeidar, omsorgsarbeidar, assistentar, og sjukeheimslege. Vi arbeidar tverrfagleg og i team, der vi også arbeidar saman med ergoterapeutar og fysioterapeutar for å gje forsvarleg og heilskapleg tilbod til brukarane.

Institusjonstenesta har frivilligheitskoordinator som jobbar saman med frivilligorganisasjonar og frivillige for å planleggja, koordinera, og gjennomføra aktivitet på institusjonane.

Rosendalstunet har 6 avdelingar fordelt på rehabilitering, korttid, langtid og demensavdeling. Nattevakttenester for institusjonen og heimetenester i Rosendalsområdet.

Arbeidsoppgåver:

• Utøva helsefaglege oppgåver i tråd med lovverk, rutinar og kvalitetskrav.
• Heilskapleg omsorg og pleie.
• Samarbeid med pasient, pårørande, avdelingsleiar og særs tett samarbeid med kollegaer på avdeling.
• Dokumentasjon av tenesta vi yt.
• Legemiddelhandtering.
• Rettleie kollegaer, studentar og skuleelevar.

Arbeidsoppgåver på natt:

• Stell og tilsyn både i institusjon og i heimesjukepleia
• Faste tilsyn hjå heimebuande brukarar
• Medverka ved utrykkingar og handtering av alarmar, inkludert tryggleiksalarmar

Kvalifikasjonar:

• Er trygg og sjølvstendig i faget.
• Har evne til å sjå både detaljar og heilskap i pasientomsorga.
• Bidrar til eit positivt arbeidsmiljø – også når det er travelt.
• Trivst med variasjon og kan handtere uforutsigbare situasjonar.
• Er nysgjerrig på utvikling og ser moglegheiter i ny teknologi.
• God IT kunnskap.
• Ha god norskkunnskap, både munnleg og skriftleg.

Ved tilsetjing vert det lagt vekt på tidlegare arbeidserfaring og personlege eigenskapar.

Nødvendig opplæring vil bli gitt.

Vi tilbyr

• Tilsetjing skjer etter gjeldande vilkår for kommunale arbeidstakarar i samsvar med HTA og AML.
• Pensjonsordning, ulykkes- og gruppelivsforsikring gjennom KLP.
• Gode arbeidstilhøve i eit godt arbeidsmiljø.
• Arbeidsgivar sørgjer for arbeidsklede.
• Bur du i Kvinnherad og er i jobb, kan du etter eitt år få sletta 25 000 kroner av studielånet.
• Ingen eigedomsskatt pr idag for hus, hytter og næring.
• Gratis SFO og søskenmoderasjon i barnehagen.

Meir informasjon om den flotte regionen vår finn d u her: Sunnhordlandslivet (buisunnhordland.no)

Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova §

10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.

Link til søknadsskjema: Søk her