Materiell- og logistikkmedarbeidar

Er du systematisk, praktisk og oppteken av beredskap? Då håpar vi at du vil søkje på den ledige stillinga vår som materiell- og logistikkmedarbeidar! Østfold sivilforsvarsdistrikt ser etter ein strukturert og løysingsorientert medarbeidar som skal ha det utøvande ansvaret for materiellområdet. Hovudoppgåvene vil vere å sikre at distriktet sitt materiell og køyretøy er klare til operativ bruk ved innsats og øvingar. Sivilforsvaret er ein spennande etat i utvikling og denne stillinga inneber gode moglegheiter for eigenutvikling og for å vere med og forme innhaldet. Du vil samarbeide tett med andre fagmiljø og bidra aktivt til å vidareutvikle vår evne til å verne sivilbefolkninga i fred, krise og krig. Du skal:

• følgje opp og utføra vedlikehald og service for køyretøy, materiell og utstyr
• utføre lager- og utstyrsteljingar
• sørgje for utrulling av nytt, og kassasjon av utgått materiell
• følgje opp status ved lagerlokasjonar i distriktet
• ha hovudansvar for oppfølging av all personleg utrustning (PU), tildelt tenestepliktige
• fagansvar rekneskapsføring av personleg utrustning, samt for distriktslageret for dette materiellet herunder følgje opp tap og manglar
• sikre at alle prosessar skjer i tråd med gjeldande rutinar, regelverk og HMS-krav
• bidra til forbetring og digitalisering av logistikk- og lagerprosessar
• støtte planlegging og gjennomføring av øvingar av tenestepliktige, med særleg vekt på rett bruk av materiell
• bidra inn i andre fagområde og utviklingsarbeid ved distriktet

Kvalifikasjonar Du må ha:

• eit-års studium frå høgskule/universitet, fagskule helst innan tekniske fag, logistikk eller tilsvarande. Relevant fagbrev og/eller relevant erfaring kan kompensere for kravet til utdanning. Utanlandsk utdanning må vere godkjent av Direktoratet for høgare utdanning og kompetanse
• relevant arbeidserfaring innanfor vedlikehald, tekniske fag og/eller logistikk
• erfaring med digitale verktøy
• god munnleg og skriftleg framstillingsevne på norsk
• førarkort klasse B
• følgjande personlege eigenskapar:tillitskapande – du opptrer profesjonelt, skaper tryggleik i samhandling med andre og bidreg til eit godt samarbeidsklima lagspelar – du samarbeider og kommuniserer godt med andre, deler kunnskap og bidreg aktivt til at vi saman når måla våre strukturert – du arbeider systematisk, følgjer opp prioriteringar innan gitte tidsfristar og trivst med å styre arbeidskvardagen din sjølvstendig løysingsorientert – du er engasjert, ser moglegheiter og produserer idear og løysingar gjennomføringsevne – du utfører oppgåver etter plan og med kvalitet, viser engasjement og stå i krevjande arbeidssituasjonar over tid

Vi ønskjer at du har:

• erfaring frå Sivilforsvaret, Frivillige organisasjonars redningsfaglege forum (FORF) eller andre beredskapsrelaterte organisasjonar
• erfaring med rettleiing, instruksjon eller opplæring
• god munnleg framstillingsevne på engelsk
• førarkort klasse BE/D1E/C1E/C

Vilkår Fast stilling som sivilforsvarsadjutant (stillingskode 0331) med årsløn frå kr 590 000 til 630 000. Tryggleiksklarering: Den som får tilbod om stillinga må kunne tryggleiksklarerast for HEMMELEG før tiltreding. Om Sivilforsvaret, distriktet og stillinga Sivilforsvaret er ein uniformert etat underlagt Direktoratet for samfunnstryggleik og beredskap (DSB) og vertleia av Sjef Sivilforsvaret. Sivilforsvaret består i fredstid av 8000 tenestepliktige mannskap som er fordelt på 20 sivilforsvarsdistrikt, som kvar leiast av ein distriktssjef. Sentralt nivå er organisert gjennom Sivilforsvarsavdelinga som består av to seksjonar og eit økonomi- og styringssekretariat leia av assisterande sjef Sivilforsvaret. Sivilforsvarets hovudoppdrag er å beskytte befolkninga i krise og krig. Sivilforsvaret har mynde og ansvar for ei rekkje sivile tryggleikstiltak. I fredstid skal Sivilforsvaret sørge for at det blir oppretthaldt god beredskap i heile landet og vera forsterkningsressurs når naudetatane og andre styremakter treng ekstra ressursar. Sivilforsvaret er organisert med lokale, regionale og nasjonale innsatsstyrker beståande av tenestepliktige mannskap og befal. Eit eige kompetansesenter har ansvaret for utdanning og opplæring. Deter totalt ca. 230 tilsette i Sivilforsvaret, fordelt på distrikta og Sivilforsvarsavdelinga. Den viktigaste ressursen er dei tenestepliktige som blir kalla ut til innsats i ulike oppdrag frå nord til sør. Sivilforsvaret bidreg også internasjonalt med ulike kapasitetar. Østfold sivilforsvarsdistrikt vil ved utgången av 2026 ha i underkant av 400 tenestepliktige - fordelt på 12 lokale innsatsavdelingar, ei mobil renseeining og seks radiac-målepatruljar som har ansvar for å detektere radiologisk forureining. Avdelingane er plasserte over heile fylket, med sju lagerlokasjonar frå Halden i sør til Indre Østfold i nord. Distriktskontor og -lager er lokalisert sentralt i Sarpsborg. Distriktet dekkjer alle kommunane i Østfold, og har omfattande samarbeid med relevante samvirkeaktørar som naudetatar, kommunar, Statsforvaltaren, Forsvaret, frivillige organisasjonar og andre relevante beredskapsaktørar. Stillinga som materiell- og logistikkmedarbeidar er ein sentral del av staben ved distriktet. For å kunne bidra i Sivilforsvaret sine oppgåver, er det viktig at du er fysisk og psykisk skikka til å arbeide i ein beredskapsorganisasjon, og ved behov kan delta i øvingar og innsatsar. Noko reiseverksemd må påreknast i periodar. Ved beredskapshendingar og ved gjennomføring av øvingar må utvida arbeidstid påreknast. Det vil bli stilt krav om gjennomføring av tre vekers grunnopplæring ved Sivilforsvaret sitt kompetansesenter i løpet av dei første seks månadene etter oppstart. Om DSB Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 800 tilsette. DSB er underlagt Justis- og beredskapsdepartementet. Om å jobbe i DSB Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsordningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/sikkerhet-i-dsb Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise Offentleg søkjarliste Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga. Praktisk informasjon om søknadsprosessen Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på https://www.dsb.no/rekrutteringsprosessen Ikkje nøl med å ta kontakt dersom du har spørsmål! Kontaktpersonar er Eva Sjøholt-Sandvik, fungerende distriktssjef: E-post: eva.sjoholt-sandvik@dsb.no Telefon: 22 21 93 03 og Roar Tormod Pettersen, sivilforsvarsinspektør: E-post: roar.pettersen@dsb.no Telefon: 69 10 29 87 Du finn meir informasjon om å jobbe i DSB og oversikt over ledige stillinger på www.dsb.no/jobb. Velkomen som søkjar hos oss!