Einingsleiar plan og forvaltning

Stad kommune søkjer ein tydeleg, utviklingsorientert og samlande einingsleiar for plan og forvaltning.

Som einingsleiar får du ei sentral rolle i utviklinga av kommunen og lokalsamfunna våre. Du skal leie eit kompetent fagmiljø og bidra til heilskapleg, føreseieleg og framtidsretta samfunnsutvikling og forvaltning. Stillinga inneber eit breitt ansvar i skjeringspunktet mellom fag, politikk, innbyggjarar og næringsliv.

Stad kommune er inne i ei tid med utvikling og omstilling. Kommuneplanen sin samfunnsdel for 2026-2038 peikar retninga for den langsiktige utviklinga og er eit aktivt styringsverktøy for både politiske og administrative prioriteringar. Kommunen har starta opp arbeidet med ny kommuneplan for arealdelen (KPA) med målsetjing om å ha ny arealplan på plass i 2030. Plan og forvaltning har ei svært sentral rolle i dette arbeidet.

Som vertskommune for Stad skipstunnel vil Stad kommune og plan og forvaltning vere ein viktig medspelar i å realisere verdas første skipstunnel.

Som einingsleiar har du det overordna fag-, personal- og økonomiansvaret for eininga som i dag har 10 tilsette. Du skal utvikle eininga i tråd med kommunen sine mål og gjeldande lov- og avtaleverk. Du blir ein del av leiargruppa innan kommunalområdet kultur og samfunn der du rapporterer til kommunalsjef. Arbeidsstad er Nordfjordeid.

Eininga plan og forvaltning har ansvar for oppgåver innan reguleringsplanar, byggesak, kart og oppmåling, geodata, landbruk, miljø. Landbruksoppgåver vert utført gjennom eit samarbeid med Gloppen kommune som er vertskommune for landbrukssamarbeidet.

Stillinga byr på utfordrande arbeidsoppgåver, og krev god fagleg og administrativ kompetanse. Som leiar må du kunne støtte og utvikle medarbeidarane i eit tverrfagleg fagmiljø og sikre at kommunen følgjer gjeldande lovverk og politiske vedtak innan dei ulike fagområda.

Du må ha evne til å motivere og inspirere medarbeidarane, og vere god til å kommunisere – både eksternt og internt. Kjennskap til offentleg sektor og politiske prosessar er avgjerande.

Arbeidsoppgåver

• leie eininga i tråd med Stad kommune sine målsetjingar
• ansvar for å drive gode utviklings-, forbetrings- og endringsprosessar
• ansvar for å etablere ein god samarbeidskultur der ein lærer av kvarandre
• sikre at samla kompetanse i eininga er i tråd med noverande og framtidige behov
• legge til rette for godt avgjerdsgrunnlag for politikk og syte for god og effektiv gjennomføring av politiske og administrative vedtak
• balansere omsyn til utvikling, natur, klima, beredskap, lokalsamfunn og føreseieleg forvaltning
• utvikle gode arbeidsprosessar, rutinar og digitale løysingar
• ansvar for tverrfagleg samarbeid og samhandling internt og eksternt
• fagleg, økonomisk og administrativt ansvar for eininga

Kvalifikasjonar

• relevant høgare utdanning frå universitet eller høgskule, helst innan jus, arealplan, byggesak eller ingeniør. Relevant erfaring frå fagområda jus (plan- og bygningslova) og byggesak kan kompensere utdanning innan fagområda.
• god kjennskap til offentleg forvaltning og relevant lov- og regelverk, særleg forvaltningslova og plan- og bygningslova.
• leiarerfaring, eller relevant utdanning og erfaring som gjer deg godt kvalifisert til å ta eit heilskapleg leiaransvar.
• god rolle-, system- og organisasjonsforståing
• erfaring med planprosessar og sakshandsaming. Må kunne handsame klagesaker etter forvaltningslova og plan- og bygningslova.
• god økonomi- og organisasjonsforståing
• god skriftleg og munnleg framstillingsevne på norsk
• kunnskap og interesse for teknologi og digitalisering som verkemiddel for utvikling og effektivisering

Personlege eigenskapar

• god til å lytte, tillitsskapande og inkluderande
• god samhandlingskompetanse og evne til å skape lagånd og godt samarbeid
• trygg og tydeleg i leiarrolla, skape retning, struktur og framdrift
• kommunisere klart og forståeleg i møte med ulike målgrupper

Vi tilbyr

• varierte, sjølvstendige og utfordrande arbeidsoppgåver
• målretta satsing på tverrfagleg samarbeid og samskaping
• fleksibel arbeidstid og godt arbeidsmiljø
• løn etter avtale
• gode pensjons- og forsikringsordningar
• utviklande og spennande oppgåver
• eit arbeidsmiljø basert på verdiane nær, raus, skapande og heilhjarta
• busette i Stad kommune i minst eitt år kan søkje Lånekassen om å få sletta delar av studielånet sitt

Vi gjer merksame på at etter § 25 i offentleglova kan opplysningar om søkjaren bli offentleg sjølv om søkjar oppmodar om ikkje å bli ført opp på søkjarlista. Oppmoding om unntak må grunngjevast.

Stad kommune har seks månadar prøvetid.

Vi ber om at attestar og vitnemål vert lasta opp saman med søknaden, og at referansar blir førte opp.

Kontaktinformasjon

Astrid Fossheim Paulsen, Kommunalsjef kultur og samfunn, 48116806, astrid.paulsen@stad.kommune.no

Arbeidsstad

Rådhusvegen 11 6770 Nordfjordeid

Nøkkelinformasjon:

Arbeidsgivar: Stad kommune Referansenr.: 5181610127 Stillingsprosent: 100% Fast Søknadsfrist: 18.10.2026