Sjukepleiar

Butenesta i Haram har ledig 100% stilling som sjukepleiar. Stillinga er for tida ledig i avdeling Haram bustader 2, avdeling Solbakken bukollektiv. Stillinga er ledig frå 1. oktober 2026, eller etter avtale. Turnus for stillinga er dag- og kveldsvakter, med langvakter kvar 4.helg.

Solbakken bukollektiv er ei underavdeling til Haram bustader 2. Solbakken består av bukollektiv for vaksne, samt avlastning. Basen til butenesta ligg i Brattvåg. Oppmøte kan difor enkelte dagar vere på basen i Brattvåg, for medikamenthandtering og andre møte. Som sjukepleiar på Solbakken vil du jobbe i eit tverrfagleg team i lag med dyktige miljøterapeutar og andre med helsefagleg bakgrunn.

Butenesta skal i ein 4-årsperiode framover ha fokus på å jobbe systematisk for å sette i system og implementere krav og mål til rettleiaren "Gode helse og omsorgstenester til personar med utviklingshemming". Som miljøterapeut får du vere ein del av dette arbeidet. I 2025 har avdelinga vore med i prosjektet TØRN, og dette skal no implementerast ut i dei andre avdelingane i Butenesta. Haram kommune er oppteken av gode heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode, målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er dei tilsette og vi ynskjer å vere ein arbeidsplass der ein opplever trivsel, utvikling og meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Arbeidsoppgåver

• Målretta miljøarbeid.
• Vere nytenkande og kreativ for å imøtekome deltakarane sine behov og ønskje.
• Bruk av hjelpemiddel dersom deltakarane har behov for dette.
• Deltaking/samhandling med pårørande/verge og andre samarbeidspartnarar.
• Dokumentering etter gjeldande prosedyrer og lovverk.
• Fagutvikling der miljøterapeut vil ha fagansvar og koordineringsansvar på avdelinga.
• Utarbeide, oppdatere og følgje opp tiltak og planar etter vedtak og behov.
• Rettleiingsansvar, både i gruppe og på individnivå.
• Innleige ved sjukdom, i turnussystemet GAT.
• Primærkontaktrolle.
• Legemiddelhandtering.

Kvalifikasjonar

• Autorisasjon som sjukepleiar.
• Erfaring med å jobbe tverrfagleg og i team.
• Erfaring med helse og omsorgstenestelova kapittel 9.
• Meistre godt norsk både skriftleg og munnleg.
• Førarkort kl. B.
• Erfaring frå arbeid med menneske med psykisk utviklingshemming.
• Politiattest er eit krav.

Personlege eigenskapar

• Du viser initiativ og er kreativ.
• Du er kunnskapsrik og fagleg oppdatert.
• Du er pliktoppfyllande og sjølvgåande.
• Du har stor arbeidskapasitet og er ein utprega omsorgsperson.
• Du har evne til å bygge relasjonar med deltakarar, kollegaer og andre samarbeidspartnarar.
• Du har evne til å skape engasjement og har gode haldningar og moral.
• Du er ein lagspelar som bidreg til at felles mål blir nådd.
• Du er lojal og stabil.
• Personlege eigenskapar vert vektlagt.

Vi tilbyr

• Ein kjekk arbeidsplass med høve til personleg og fagleg utvikling.
• Rom for å vere kreativ.
• Løn etter gjeldande tariffavtale.

Kontaktinformasjon

Beate Håholm Dahl, Avdelingsleiar Haram bustader 2 og Solbakken bukollektiv, 96517530, Beate.Haholm.Dahl@haram.kommune.no Linn Borgund, Tenesteleiar, 97595965, linn.borgund@haram.kommune.no

Arbeidsstad

Ulvestadvegen 6 6265 Vatne

Nøkkelinformasjon:

Arbeidsgivar: Haram kommune Referansenr.: 5157981658 Stillingsprosent: 100% Fast Startdato: 01.10.2026 Søknadsfrist: 30.08.2026