Fagleiar byggesak

Stad kommune står framfor ei tid med stor aktivitet og spennande samfunnsutvikling. Realiseringa av Stad skipstunnel, verdas første fullskala skipstunnel, vil skape nye moglegheiter for næringsliv, busetjing og utvikling i heile kommunen. Byggjestart er planlagd tidleg i 2027.

Vi søkjer no etter ein engasjert og fagleg sterk fagleiar for byggesak i 100 % stilling.

Fagleiar byggesak har det overordna faglege ansvaret for kommunen si bygge- og delesakshandsaming. Du skal koordinere oppgåver, sikre framdrift og bidra til einsarta og korrekt praktisering av regelverket. Stillinga kombinerer fagleiing med operativ sakshandsaming. Du må derfor trivast både med å støtte og utvikle kollegaer og med å arbeide sjølvstendig med konkrete byggjesaker. Du blir ein del av eit tverrfagleg fagmiljø og vil samarbeide tett med mellom anna arealplanlegging, oppmåling, landbruk, næring, teknisk drift og andre kommunale tenesteområde.

Stillinga er lokalisert på Nordfjordeid, men om ønskjeleg vil du få høve til å få kontorstad i Selje nokre dagar i veka.

Eininga plan og forvaltning inngår i kommunalområdet Kultur og samfunn og har ti tilsette. Tilsette i eininga arbeider mellom anna med plan- og byggesaker, oppmåling, ajourhald av kommunen sitt kartverk, landbruk og miljøsaker.

Arbeidsoppgåver

Som fagleiar byggesak vil du mellom anna:

• ha fagansvar for bygge- og delesaksområdet
• leie, koordinere og prioritere oppgåver i faggruppa
• rettleie og støtte medarbeidarar i faglege vurderingar
• bidra til god arbeidsflyt, kvalitet og effektiv sakshandsaming
• behandle byggjesaker, dispensasjonssaker, delingssaker og andre saker etter plan- og bygningslova
• gi rettleiing til innbyggjarar, føretak, utbyggjarar og andre aktørar
• delta i førehandskonferansar og dialogmøte
• førebu og leggje fram saker for politisk behandling
• bidra til god samhandling mellom byggesak, plan, oppmåling og andre fagområde
• bidra i utviklinga av digitale arbeidsprosessar, rutinar og kvalitetssystem
• følgje med på endringar i lovverk, forskrifter og nasjonale føringar
• bidra med byggesaksfagleg kompetanse i utviklingsprosjekt, mellom anna i samband med Stad skipstunnel og tilhøyrande areal- og næringsutvikling
• representere kommunen i relevante møte og samarbeidsforum

Arbeidsoppgåvene kan bli justerte ut frå kommunen sine behov og kompetansen til den som blir tilsett.

Kvalifikasjonar

Vi søkjer deg som har:

• relevant høgare utdanning innan bygg, arkitektur, ingeniørfag, jus, eigedomsfag eller anna relevant fagområde
• god kjennskap til plan- og bygningslova og tilhøyrande forskrifter
• relevant erfaring frå byggesak, planarbeid, prosjektarbeid eller offentleg forvalting
• god forståing for rolla som offentleg styresmakt
• god skriftleg og munnleg framstillingsevne på norsk
• god digital kompetanse
• førarkort klasse B

Særleg relevant og omfattande erfaring kan kompensere for delar av utdanningskravet.

Det er ein fordel om du har:

• erfaring frå kommunal byggesakshandsaming
• erfaring med fagleiing, koordinering eller personalleiing
• juridisk kompetanse innan plan- og bygningsrett eller forvaltingsrett
• erfaring med tilsyn og oppfølging av ulovlege tiltak
• kjennskap til politiske avgjerdsprosessar
• erfaring med digitale sakshandsamings- og arkivsystem
• interesse for tenesteutvikling, digitalisering og effektivisering

Personlege eigenskapar

Vi ønskjer at du:

• er tydeleg, tillitsskapande og inkluderande
• arbeider strukturert og har god gjennomføringsevne
• kan prioritere og halde oversikt i ein variert arbeidskvardag
• er løysingsorientert utan å gå på kompromiss med lovverk og likebehandling
• kommuniserer klart og forståeleg med både fagpersonar og innbyggjarar
• trivst med å rettleie og utvikle andre
• tek initiativ og bidreg aktivt til forbetring
• handterer krevjande saker og interessekonfliktar på ein profesjonell måte
• bidreg positivt til arbeidsmiljøet

Vi tilbyr

• Utviklande og spennande oppgåver
• Eit arbeidsmiljø basert på verdiane nær, raus, skapande og heilhjarta
• Deltaking i eit inkluderande, utviklande og innovativt team
• God pensjons- og forsikringsordning. Informasjon finn du her
• Løn etter avtale
• Busette i Stad kommune i minst eitt år kan søkje Lånekassen om å få sletta delar av studielånet sitt

Stad kommune har seks månadar prøvetid. Vi gjer merksame på at etter § 25 i offentleglova kan opplysningar om søkjaren bli offentleg sjølv om søkjar oppmodar om ikkje å bli ført opp på søkjarlista. Oppmoding om unntak må grunngjevast.

Vi ber om at attestar og vitnemål vert lasta opp saman med søknaden. Vi ber om at søkjar fører opp referansar.

Dersom du har spørsmål om stillinga kan du ta kontakt med einingsleiar Svein Arne Fure.

Kontaktinformasjon

Svein Arne Fure, Einingsleiar plan og forvaltning, 90209234, svein.fure@stad.kommune.no

Arbeidsstad

Rådhusvegen 11 6770 Nordfjordeid

Nøkkelinformasjon:

Arbeidsgivar: Stad kommune Referansenr.: 5162394824 Stillingsprosent: 100% Fast Søknadsfrist: 13.09.2026