Diakon/diakonimedarbeider

Storfjorden kyrkjelege fellesråd har ledig stilling som diakon eller diakonimedarbeider i inntil 80%, med mål å auke til 100%.

Vi ser etter deg som vil vere med å utforme diakonitenesta i fjordbygdene våre, skape møteplassar mellom menneske for fellesskap og integrering.

Storfjorden kyrkjelege fellesråd har si verksemd i to kommunar, Stranda og Fjord, med 6 sokn og 7 kyrkjer. Storfjorden på Sunnmøre er kjend for den ville og flotte naturen, lokalsamfunn med varierte aktivitetar og merkevarer, turisme, ski- og alpinanlegg, fjelløp, fotturar og fritidsaktivitetar. Området har både verdsarvstatus på Unescos liste og historisk pilegrimslei mot Nidaros. Alle bygdene og sokna har sitt særpreg, og innbyggjarane bidreg med stort engasjement og frivillig arbeid. Det er eit variert og rikt næringsliv i området. Storfjorden kyrkjelege fellesråd har til saman omlag 7000 innbyggjarar, om lag 10 årsverk fordelte på 13 personar i fellesrådet, og 3 prestar. Kyrkjekontoret ligg i Stranda.

Arbeidsoppgåver

• Leie og vidareutvikle kyrkjelydane sitt diakonale arbeid i tråd med lokal og nasjonal plan for diakoni
• Gjennomføre aktivitetar og besøksteneste for eldre som bur heime eller på institusjonar
• Oppmuntre, leie og stimulere til diakonalt engasjement i kyrkjelydane
• Rekruttere, koordinere og følge opp frivillige medarbeidarar
• Delta i gudstenester og diakonalt arbeid for alle generasjonar og nasjonalitetar
• Samarbeide tverrfagleg i høve trusopplæring, ungdom, integrering og i sorgarbeid i kyrkjelydane
• Ha fokus på unge med tanke på å forebygge utanforskap, eks. ved å skape fellesskap i samhandling med offentlege og eksterne aktørar.
• Ha fokus på pilegrimsararbeid knytta til Valldalsleia og ansvar for gjennomføring av «opa kyrkje».
• Går inn i beredskapsgruppa saman med kyrkjeverja og prestane ved behov, og leier diakoniutvalet.
• Beherske norsk språk godt både skriftleg og munnleg.

Kvalifikasjonar

• Har diakonutdanning i samsvar med krava i Den norske kyrkja og er (eller kan bli) vigsla som diakon. Søkarar med annan relevant utdanning kombinert med erfaring frå diakonalt, sosialt eller kyrkjeleg arbeid blir også oppfordra til å søke, og vil bli vurdert på lik linje med øvrige søkarar.

Arbeidsgjevar vil legge til rette for at den som blir tilsatt kan kvalifisere seg til vigsling om ønskelig.

• Arbeidserfaring frå tilsvarande stilling med tilsvarande arbeidsoppgåver er ein fordel
• Gode samarbeidsevner og fleksibilitet i forhold til ansatte og frivillige.
• Evne til å rekruttere, motivere og lede frivillige.
• Evne til sjølvstendig og målretta arbeid.
• Erfaring med bruk av IT-verktøy og sosiale medier.
• Erfaring fra samarbeid med offentlige og frivillige aktører er ønskeleg.
• Personlege eigenskapar vert vektlagt
• Den som vert ansatt, må legge frem tilfredsstillande politiattest i tråd med Trossamfunnsloven § 20
• Må vere medlem i Den norsk kyrkje, og disponere eigen bil.

Personlege eigenskapar

Vi søkjer ein person som:

• Er sjølvstendig og samtidig kan jobbe i team
• Har gode formidlings-, kommunikasjons- og samarbeidsevner
• Villig å bygge nettverk på tvers av aldersgrupper og bygdelag
• Kan koordinere diakoniarbeidet og samarbeide med frivillige i fleire bygder
• Ønskjer å hjelpe dei unge i bygdene.
• Vil jobbe med prosjekter som utviklar diakonien i fellesrådet sitt område.
• Vil nytte pilegrimsarbeid og opa kyrkje som verktøy

Vi tilbyr

• Løn etter kvalifikasjonar og etter tariffavtale for Hovedorganisasjonen KA området, pensjonsordning i KLP
• Ein triveleg stab med engasjerte og dedikerte medarbeidarar, varierte arbeidsoppgåver og gode høve for utvikling

Kontaktinformasjon

Magne Eivind Glomnes, kyrkjeverje, 40441528

Arbeidssted

Ødegårdsvegen 3 6200 Stranda

Nøkkelinformasjon:

Arbeidsgiver: Storfjorden kyrkjelege fellesråd Referansenr.: 5202527407 Stillingsprosent: 80% Fast Søknadsfrist: 20.11.2026