Helgestilling ved Mjøstølen avlastning

Helgestillingar 30 % fast stilling – Mjøstølen avlastning

Ullensvang kommune, tenesta for funksjonshemma, søkjer etter engasjerte og trygge medarbeidarar til faste helgestillingar i 30 % storleik ved Mjøstølen avlastning.

Stillingane inngår i ei langvaktsordning med arbeid kvar tredje helg. Helgevakta består av ei kort vakt fredag ettermiddag/kveld, og 12,5-timarsvakter både laurdag og søndag.

Stillingane passar ypparleg for deg som ønskjer ein meiningsfull deltidsjobb ved sida av studium eller anna arbeid. Vi ønskjer ein variert personalgruppe og oppmodar både helsefagarbeidarar, vernepleiestudentar og sjukepleiestudentar til å søkje!

Studerer du sjukepleie eller vernepleie? > Ullensvang kommune har ein eigen, gunstig studentavtale for vernepleiar- og sjukepleiarstudentar i helgestillingar. Ta kontakt for meir informasjon om kva rekrutterings- og utdanningsfordelar dette kan gje deg gjennom studietida.

Om Mjøstølen avlastning

Mjøstølen tilbyr avlastningstilbod til barn og unge vaksne med ulike funksjonsvariasjonar. Vi har sterkt fokus på å skapa eit trygt, føreseieleg og utviklande miljø for brukarane våre, i tett samarbeid med deira pårørande. Lokala våre ligg sentralt i Odda, med kort veg til både vakker natur og offentlege tilbod.

Arbeidsoppgåver

Som helgestillingstilsett hos oss vil du ta del i kvardagen til brukarane våre og bidra til eit godt tilbod. Oppgåvene vil mellom anna vere:

• Utøve målretta miljøarbeid og skape ein trygg, aktiv og føreseieleg kvardag ut frå brukarane sine individuelle behov.
• Praktisk bistand, omsorg og rettleiing i dagleglivet sine gjeremål.
• Handtere legemiddel og følgje opp helsefaglege rutinar (for dei med naudsynt kompetanse/kursing).
• Bidra til eit godt, trygt og fagleg oppdatert arbeidsmiljø i samarbeid med resten av personalgruppa.

Kvalifikasjonar

• Du er utdanna helsefagarbeidar, eller student innan sjukepleie/vernepleie.
• Andre med genuin interesse for fagfeltet og relevant erfaring vert også oppmoda til å søkje.
• God skriftleg og munnleg framstillingsevne på norsk.
• Erfaring med målretta miljøarbeid eller arbeid med menneske med funksjonsvariasjonar er eit føremon, men god opplæring vil bli gjeven.
• Grunnleggjande digital kompetanse.

Personlege eigenskapar

Vi søkjer medarbeidarar som:

• Er engasjerte, pålitelege og har gode evner til samarbeid.
• Er fleksible og trivst i eit aktivt og variert arbeidsmiljø.
• Møter brukarar, pårørande og kollegaer med varme, respekt og ein god porsjon humor.
• Er trygge vaksenpersonar som bidrar positivt til fellesskapet.

Vi tilbyr

• Ein meiningsfull og variert arbeidskvardag i eit sterkt fag- og fellesskapsmiljø.
• Gunstig studentavtale for sjukepleie- og vernepleiestudentar.
• Systematisk opplæring og rettleiing.
• Løn etter hovudtariffavtalen.
• Gode pensjons- og forsikringsordningar (IA-bedrift).

Krav og vilkår

• Godkjend politiattest må leggjast fram før tiltreding.

Oppstart

• Etter avtale.

Sletting av utdanningsgjeld/studielån:

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling. For å gjera unntak må kommunen ha heimel i lova og vurdera konkret i kvar sak kva som er grunnen til unntaket. I følgje offentleglova § 25 vert det stilt følgjande krav for å få unntak: "Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/

Link til søknadsskjema: Søk her