Fellesutlysing – ledige stillingar i Lesja kommune sine barnehagar

Fellesutlysing -- ledige stillingar i Lesja kommune sine barnehagar

Tenk deg ein kommune med fantastiske fjell og turmoglegheiter rett utanfor døra -- og kort veg til det meste om du vil oppleve kultur, idrett, jakt eller fiske. Tenk deg ein kommune som satsar på næring og tilflytting. Gjennom prosjektet Levande Lesja har kommunen utvikla ein arena for idear og skaparlyst. Tenk deg ein kommune som har tomter og tilbyr tilskot til dei som vil byggje ny bustad. Tenk deg ein kommune som har barnehagar og skular som er kjende for gode resultat. Lesja ligg lengst nord i vakre Gudbrandsdalen, på grensa til Romsdalen.

Lesja kommune søkjer engasjerte og trygge medarbeidarar til våre barnehagar. Vi har ledige stillingar både i Lesjaskog Friluftsbarnehage og Lesja barnehage.

Ta ein titt på www.levandelesja.no

Ledige stillingar

Stilling 1: Barnehagelærar Omfang: 100 % fast Arbeidsstad: Lesjaskog Friluftsbarnehage Oppstart: Frå 01.01.2027

Stilling 2: Fagarbeidar / assistent Omfang: 100 % fast Arbeidsstad: Lesjaskog Friluftsbarnehage Oppstart: Frå 01.01.2027

Stilling 3: Barne- og ungdomsarbeidar / assistent Omfang: 64 % vikariat Arbeidsstad: Lesja barnehage Periode: Snarast--10.08.2027

Merk: Oppgje i søknaden kva stilling eller stillingar du ønskjer å søkje på, og i kva barnehage. Oppgje gjerne prioritert rekkjefølgje.

Merk: Det kan bli andre ledige stillingar, både barnehagelærarstillingar og fagarbeidar-/assistentstillingar, i perioden. Då nyttar vi søkjarmassen frå denne utlysinga.

Om barnehagane:

Lesjaskog Friluftsbarnehage

Lesjaskog Friluftsbarnehage er ein to-avdelings barnehage med variert natur i nærleiken og gangavstand til skule, lysløype, eldresenter og Lesjaskogsvatnet. Barnehagen har ein tydeleg friluftsprofil, og uterommet er ein viktig arena for leik og læring. Ski er eit satsingsområde. Visjonen vår er at dei magiske augeblikka blir skapte av engasjerte barn og tilsette, med naturen som leike- og læringsmiljø.

Lesja barnehage

Lesja barnehage har fire avdelingar og plass til 62 barn, med to småbarnsavdelingar og to storbarnsavdelingar. Barnehagen ligg sentralt, med kort veg til både Lesja sentrum og naturen. Vi har eit stort og variert uteområde, og er mykje ute. Visjonen vår er: <<Gode opplevingar i augneblinken, som gir styrke og læring for livet.>>

Arbeidsoppgåver

Arbeidsoppgåvene varierer etter stilling, men omfattar mellom anna:

• planlegging, gjennomføring og evaluering av aktivitetar i tråd med rammeplanen
• omsorg, leik, læring og utvikling for barna -- inne og ute
• daglege rutinar som måltid, påkleding, stell, rydding og HMS-arbeid
• bruk av natur og nærmiljø som leike- og læringsarena
• samarbeid med kollegaer og føresette
• rettleiing av assistentar, lærlingar og studentar for barnehagelærarstillinga

Kvalifikasjonar

For barnehagelærarstillinga:

• godkjend utdanning som barnehagelærar
• må kunne arbeide på småbarnsavdeling

For fagarbeidar-/assistentstillingane:

• fagbrev som barne- og ungdomsarbeidar er ønskjeleg
• relevant erfaring frå barnehage kan kompensere for manglande fagbrev
• må kunne arbeide på småbarnsavdeling der dette er aktuelt

Personleg eignaheit blir vektlagt for alle stillingane.

Vi ser etter deg som

• er glad i barn og er ein trygg, varm og tydeleg vaksenperson
• trivst ute og ser naturen som ei naturleg leike- og læringsarena
• er omgjengeleg, kreativ og fleksibel
• ser barn sine ulike behov
• samarbeider godt i team og kan arbeide sjølvstendig

Vi tilbyr

• ein meiningsfull og variert arbeidskvardag
• gode kollegaer og eit godt arbeidsmiljø
• gode forsikrings- og pensjonsordningar
• lønn etter utdanning og ansiennitet

Rettleiande lønn i 100 % stilling:

• barnehagelærar: kr 545 400--639 900
• fagarbeidar: kr 475 300--592 500
• assistent: kr 418 600--515 800

Kontaktinformasjon

Lesjaskog Friluftsbarnehage:

Elin Brøste, fungerande tenesteleiar, tlf. 902 08 095

Lesja barnehage:

Ingrid Undselli, tenesteleiar/styrar, tlf. 468 83 205

HR:

Dagfinn Rognerud, HR-rådgivar, tlf. 404 13 600

Slik søkjer du

Send elektronisk søknad via:

www.lesja.kommune.no

Kom nå til <<Ledige stillingar>>.

Utdanning og erfaring må gå tydeleg fram av søknaden. Attestar og vitnemål skal takast med til intervju.

Søknadsfrist: 21. Okt 2026

Viktig informasjon

Den som blir tilsett, må levere politiattest før oppstart. Opplysningar om søkjarar kan bli offentleggjorde sjølv om søkjaren har bede om unntak frå offentleg søkjarliste, jf. offentleglova § 25. Søkjar blir varsla dersom unntaket ikkje blir teke til følgje. Søknadspapir blir ikkje returnerte.

Ved interne forflyttingar kan søkjarmassen nyttast til å fylle andre ledige stillingar.