Avdelingsleiar Husnes ungdomsskule

Avdelingsleiar Husnes ungdomsskule

Kvinnherad kommune sin visjon er Saman om utvikling og gode tenester

Husnes ungdomsskule er den største ungdomsskulen i kommunen, og har i skuleåret 26-27 om lag 240 elevar og 42 tilsette.

Husnes ungdomsskule treng avdelingsleiar for 10.trinn frå 1.1.2027. Stillinga er ei 100% fast stilling. Avdelingsleiar har ansvar for fagleg oppfylging, karriererettleiing, vikarhandtering, pedagogisk utviklingsarbeid og har personalansvar for sitt trinn.

Læring og pedagogisk leiing skal vera førsteprioritet for skuleleiarar. Læring skal vera sentralt på alle nivå; elevnivå, i møte mellom elevar og lærarar, i samarbeidsfellesskapet mellom lærarar og på skulenivå. For å nå dette målet må ein skuleleiar utøva strategisk leiing og skapa visjonar som motiverer og inspirerer.

Ein skuleleiar skal bidra til utvikling av ein lærande organisasjon gjennom å bidra til utvikling av medarbeidarar og leggja til rette for gode arbeidsforhold for dei tilsette. Skuleleiaren skal leia læringsarbeidet i profesjonsfellesskapet ved å stilla krav til, leggja til rette for og fylgja opp læringsaktivitetar. Skuleleiaren skal ha fokus på omgjevnadene og syna samfunnsansvar.

Den som vert tilsett, vil møta ein raus og inkluderande arbeidsplass i eit godt fagleg og sosialt miljø med dyktige medarbeidarar som vil det beste for kvarandre og den einskilde eleven.

Vi arbeider kontinuerleg for å kunna tilby elevar og tilsette eit trygt, godt og inkluderande arbeids- og læringsfellesskap i tråd med Fagfornyinga og Kvinnherad kommune sine overordna verdiar og kvalitetsutviklingsplan.

Arbeidsoppgåver

Du er ein del av skulen sitt leiarteam som er sett saman av rektor og tre avdelingsleiarar. Du vil ha hovudansvar for læringsarbeidet på 10.trinnet og ha personalansvar for dei som er knytt til trinnet.

Du arbeider for å skapa eit trygt, godt og inkluderande læringsmiljø for elevar og tilsette

Du sikrar eit godt og ope samarbeid med føresette og deltek aktivt i planlegging og gjennomføring av skulen sitt utviklingsarbeid

Ansvar for yrkesrettleiing (karriererådgjevar)

Du har overordna vikaransvar

Andre relevante administrative oppgåver.

Du deltek i skuleleiarfellesskapet i Kvinnherad kommune og er med på å utvikla Kvinnheradskulen ut frå nasjonale styringssignal og Kvinnherad kommune sine eigne mål for opplæringa.

Kvalifikasjonar

Formell undervisningskompetanse for ungdomstrinnet

Erfaring frå undervisning på ungdomstrinnet er ynskjeleg

Erfaring frå faget utdanningsval

Det er ynskjeleg med relevant leiarutdanning og/eller -erfaring. Vilkår om å gjennomføra formell skuleleiarutdanning etter tilsetting dersom du ikkje har dette.

Relevant IT-kompetanse knytt til digitale verktøy og læringsplattformar

Kvinnherad kommune nyttar nynorsk i skriftleg kommunikasjon

Gyldig politiattest må leggjast fram

Personlege eigenskapar

Du er ein tydeleg og inkluderande leiar med positive forventningar til både vaksne og elevar

Du har gode samarbeidsevner

Du er strukturert, arbeider systematisk og har stor arbeidskapasitet

Du har godt humør og arbeider for eit trygt og godt arbeids- og læringsmiljø

Du likar å vera saman med ungdomar, er ein trygg vaksen og ser den einskilde

Du er trygg i møte med elevar og føresette og andre eksterne samarbeidspartnarar

Du er utviklingsorientert og deltek aktivt i profesjonsfellesskapet

Vi tilbyr

Faglege utfordringar i eit hyggeleg arbeidsmiljø

Utfordrande og sjølvstendige stillingar

Tilsetjing skjer etter gjeldande vilkår for kommunale arbeidstakarar i samsvar med HTA og AML.

Løn etter gjeldande avtaleverk

Pensjonsordning, ulykkes- og gruppelivsforsikring gjennom KLP.

Dekning av flytteutgifter etter nærare reglar.

Bur du i Kvinnherad og er i jobb, kan du etter eitt år få sletta 25 000 kroner av studielånet.

Ingen eigedomsskatt pr i dag for hus, hytter og næring.

Gratis SFO og søskenmoderasjon i barnehagen.

Gyldig politiattest må framleggjast der det er påkrevd.

Velkomen som søkjar

Link til søknadsskjema: Søk her