Miljøarbeidar/miljørettleiar

Stord vgs. er ein framtidsretta og mangfaldig regionskule med breitt fagtilbod. Me tilbyr ei rekkje yrkesfaglege og studieførebuande utdanningsprogram, opplæring for vaksne, innføringstilbod, og me er i tillegg knutepunktskule for individuelt tilrettelagt opplæring. Stord vidaregåande skule ligg flott plassert midt i sentrum av Leirvik, med eitt skulebygg på Saghaugen og eit heilt nytt og moderne skulebygg på Vabakkjen. Skulen har lange tradisjonar for tett og godt samarbeid med næringslivet og bidreg med dette til å utvikla regionen.

Stord vgs. er skulen som førebur deg for framtida – FRAMTIDA LIGG OPEN

Stord vgs har ledig inntil 3 faste stillingar som miljørettleiar/miljøarbeidar i 81 % stilling, for tida knytt til tilrettelagt opplæring. Stillingane følgjer skuleruta og er av den grunn 81% med arbeidstid 5 dagar for veka når elevane er på skulen. Menn vert oppmoda om å søke

Arbeidsoppgåver

Me søkjer engasjerte og fagleg trygge miljørettleiarar/miljøarbeidarar til ei spesialpedagogisk avdeling for elevar med samansette og omfattande behov, mellom anna utviklingshemming, autismespekterforstyrringar og store kommunikasjons- og reguleringsutfordringar.

Avdelinga er i utvikling og utviding, og me ønskjer medarbeidarar som forstår at kvaliteten i den vaksne sin praksis er avgjerande for elevane si meistring, tryggleik og utvikling.

Arbeidet inneber tett samspel mellom opplæring, omsorg og helsefaglege oppgåver. Me er tydelege på at dette er eit opplæringsmiljø, der miljørettleiar/miljøarbeidar spelar ei heilt sentral rolle i gjennomføringa av det pedagogiske arbeidet. Som miljørettleiar/miljøarbeidar hos oss vil du mellom anna:

• arbeide tett med elevar i kvardags-, arbeidstrenings- og opplæringssituasjonar
• bidra aktivt i gjennomføring av mål og tiltak i IOP
• støtte elevar i kommunikasjon, samhandling, aktivitet og medverknad
• bidra til tryggleik, regulering og struktur i kvardagen
• delta i stell, forflytting, måltid og ADL-aktivitetar der det er nødvendig
• samarbeide tett med lærarar, helsefagleg personale og leiing
• vere ein aktiv deltakar i fagleg refleksjon og utviklingsarbeid

Kvalifikasjonar

Me søkjer deg som:

har fagbrev innan barne- og ungdomsarbeid eller helsefagarbeid, men relevant erfaring og annan kompetanse vil også bli vurdert

- har erfaring med elevar med kommunikasjonsutfordringar - har interesse for – og gjerne erfaring frå – arbeid med elevar med store og samansette behov - forstår at eleven si meistring ofte er situasjons- og relasjonsavhengig - er roleg, tydeleg og trygg i møte med krevjande situasjonar - evnar å halde fokus over tid og arbeide systematisk - trivst i lagarbeid og tek rettleiing på ein profesjonell måte - er lærevillig og open for fagleg utvikling

Personlege eigenskapar

Me legg avgjerande vekt på personlege eigenskapar og ser etter deg som:

• - er lyttande, raus og samarbeidsorientert - har god reguleringsevne - kan ta initiativ og jobbe sjølvstendig - er fleksibel og taklar endringar i dagen - forstår eiga rolle i eit større fagleg system

Vi tilbyr

• Lønn og lønnsutvikling i tråd med Vestland fylkeskommune sin lønnspolitikk
• Gode pensjons- og låneordningar i Storebrand
• Engasjert fag- og arbeidsmiljø
• Spennande arbeid i samspel med elevar, føresatte og kollegaer

Kontaktinformasjon

Tore Roth Blokhus, Avdelingsleiar, 92231854, tore.roth.blokhus@vlfk.no

Arbeidsstad

Vikastemmo 35 5411 Stord

Nøkkelinformasjon:

Arbeidsgivar: Vestland fylkeskommune Referansenr.: 5189624916 Stillingsprosent: 81% Fast Startdato: 01.11.2026 Søknadsfrist: 21.10.2026