Fagkoordinator/sjukepleiar

Vi søkjer deg som er fagleg engasjert, løysingsorientert og ønskjer å vere med på å utvikle framtidas heimeteneste i Herøy. Stillinga er ledig frå 01.11.26

Som fagkoordinator vil du ha ei sentral rolle i å kartleggje og vurdere pasientane sine behov, sikre god koordinering av tenestene og bidra til at vi gir rett hjelp til rett tid. Du vil vere ein viktig pådrivar i det faglege arbeidet, og vere med på å vidareutvikle organiseringa av heimetenesta gjennom våre helse- og meistringsteam. Vi ønskjer ein medarbeidar som ser moglegheiter, tek ansvar og bidreg til kontinuerleg forbetring og tenester av høg kvalitet til pasientane våre. Hos oss får du faglege utfordringar, engasjerte kollegaer og moglegheita til å vere med og påverke utviklinga av tenestene. Stillinga er i hovudsakleg organisert på dagtid med arbeid 2 av 6 helgar.

Arbeidsoppgåver

• heilskapleg sjukepleiefagleg oppfølging av pasientar i eigen heim
• sakshandsaming
• kartlegging, observasjon, vurdering og dokumentasjon av helsetilstand
• overordna ansvar for pasientflyt
• legemiddelhandtering i tråd med gjeldande lover og forskrifter
• sjukepleiefaglege prosedyrar som sårbehandling, injeksjonar, ernæringsoppfølging og oppfølging av medisinteknisk utstyr
• utarbeide og følge opp tiltaksplan
• dokumentasjon etter gjeldande lovverk
• tverrfagleg samarbeid med fastlege, fysioterapeut, ergoterapeut og andre samarbeidspartnarar.
• rettleie og samarbeide med pårørande
• bidra til kompetanseutvikling og fagleg ajourhald for å kvalitetssikre tenesta
• overordna ansvar for koordinering av det sjukepleiefaglege arbeidet
• hjelpe til med kortidsinnleige ved fråvær
• stedfortredar til seksjonsleiar ved fråvær

Kvalifikasjonar

• har norsk autorisasjon som sjukepleiar
• erfaring frå sakshandsaming/utdanning innan sakshandsaming/helserett kan vere ein fordel
• erfaring frå arbeid i heimetenesta kan vere ein fordel
• kan bruke IKT som arbeidsverktøy (erfaring med Gerica er ein fordel)
• har god munnleg og skriftleg framstillingsevne

Kommunen har nynorsk som administrasjonsmål.

Vi ber om at du laster opp vitnemål og attestar i Webcruiter saman med søknaden.

Autorisasjon og politattest må leggast fram før tilsetting.

Personlege eigenskapar

• likar faglege utfordringar og er opptatt av å utvikle gode tenester
• er strukturert, sjølvstendig og evnar å prioritere arbeidsoppgåver
• kommuniserer klart og tydeleg både med brukarar, pårørande og kollegaer
• er til å stole på, møter opp til avtalt tid og utfører oppgåvene sine samvitsfullt
• kan handtere utfordrande situasjonar roleg og profesjonelt
• møter brukarar og kollegaer med eit smil og ei positiv haldning, også i krevjande situasjonar
• bidreg til å skape trivsel på arbeidsplassen ved blant anna å motivere, rettleie og engasjere kollegaer
• gode samarbeids- og relasjonseigenskapar
• kan bidra til godt samarbeid på tvers av seksjonane
• du har engasjement for utvikling og evnar å omsetje nye idear til praktiske forbetringar i kvardagen
• har fokus på heilskapleg pasientforløp

Vi legg stor vekt på personlege eigenskapar.

Vi tilbyr

• løn etter gjeldande tariffavtale
• gode forsikrings- og pensjonsordningar i KLP
• fagdag i turnus
• stipendordningar ved vidareutdanning som er i tråd med kompetanseplanen i helse og omsorg
• godt arbeidsmiljø med fokus på fagkompetanse
• digitale kurs gjennom Glup og Visma Veilederen
• IA- bedrift

Vi tilset på dei vilkåra som går fram av gjeldande tariffavtale, lover og reglement. Aktuelle kandidater vert kalla inn til intervju. Søkjarlista kan verte offentleggjort.

Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med kr. 25 000 kroner når året er gått. Dette gjeld også dersom du flyttar til kommunen etter denne datoen.

Kontaktinformasjon

Maria Kristin Kvalsvik, Seksjonsleiar, +47 99210059

Arbeidsstad

Sjukeheimsvegen 5 6092 FOSNAVÅG

Nøkkelinformasjon:

Arbeidsgivar: Herøy kommune Referansenr.: 5163516186 Stillingsprosent: 100% Fast Søknadsfrist: 09.09.2026