Tilkallingsvikar barnehage

Om stillinga

Vi har behov for tilkallingsvikarar i barnehagane våre. Her kan du søka om å være ringevikar.

Arbeidsoppgåver

Som tilkallingsvikar må du ha høve til å stille opp på kort varsel og vere budd på å arbeide med alle barnegrupper i alderen 0-6 år. Tilkallingsvikarar vert tilsett med arbeidsavtale i kortare eller lengre periode.

Kvalifikasjonar

Det vert ikkje stilt krav om særskilt utdanning i arbeid som tilkallingsvikar.

Det vert stilt krav om gyldig politiattest ved tiltreding.

Personlege eigenskapar

Vi søker deg som:

• har barnet i fokus og kan legge til rette for god leik.
• er opptatt av barnets utvikling og trivsel.
• er ansvarsbevisst.
• har gode norskkunnskapar.
• har gode kommunikasjonsferdigheiter.

Vi legg vekt på evne til god kommunikasjon, samarbeid, stabilitet og fleksibilitet.

Vi tilbyr

Informasjon om avtale som tilkallingshjelp: Avtale som tilkallingshjelp betyr at Tysnes kommune tek kontakt med arbeidstakar ved behov for midlertidig tilsetting, jf. AML § 14-9. Det er kommunen sitt behov som er utgangspunktet for førespurnaden til arbeidstakaren. Avtalen inneber i seg sjølv inga plikt for arbeidstakaren til å utføre arbeid i kommunen. Arbeidsgivar har rett til å inngå tilsvarande avtale om tilkallingshjelp med andre, og kommunen står fritt i val av arbeidstakar i det einskilde høve.

Tilkallingsavtalen er saman med arbeidsplan/vaktliste ein godkjent arbeidsavtale, og Tysnes kommune har arbeidsgivaransvar frå du kjem på jobb og til arbeidsdagen er ferdig. Du er i denne perioden omfatta av kommunens sine pensjons- og forsikringsordningar.

Krav til dokumentasjon: For dei fleste stillingar i barnehagen er det krav om politiattest jf. barnehagelova. Tilfredsstillande politiattest skal vere levert før start i stilling. Arbeidsgivar må skriftleg stadfeste behov for politiattest, før ein kan søke om dette. Det kan vere behandlingstid hos politiet.

Dei som vert tilsett kan bli pålagt å ta tuberkuloseprøve.

Det er krav om vitnemål og dokumentasjon av arbeidserfaring (attest) ved fastsetting av lønn. Lønnsansiennitet blir satt til 0 år til dokumentasjon er levert og vurdert.

Informasjon til søkar

Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar. Du må sende inn søknaden via Jobbnorge. Søknadar som kjem inn på andre måtar, til dømes på e‑post eller til postmottak, blir ikkje vurderte.

Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.

Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.