Leseinspirator

Herøy kommune har no ei spanande stilling ledig for deg som brenn for leseglede og gode språklege ferdigheiter hos barn og unge. Vi søkjer ein engasjert og utviklingsorientert leseinspirator i 100 % stilling. Stillinga er ei prosjektstilling for eitt år.

Stillinga er organisert med 50 % ved Herøy folkebibliotek og 50 % retta mot skulane i kommunen. Arbeidet inneber tett samarbeid med både bibliotek, skular og føresette, med mål om å styrkje leseferdigheitene og lesegleda hos barn og unge

Ved folkebiblioteket vert oppgåvene:

• særleg ansvar for litteratur og tilbod retta mot barn og unge
• planlegge og gjennomføre lesefremjande tiltak og aktivitetar

Samarbeidet med skulebiblioteka og skulebibliotekarane vil omfatte:

• bidra til reetablering og utvikling av skulebiblioteka
• vere ein ressurs for lærarar i arbeidet med leseopplæring
• støtte elevar i utvikling av leseferdigheiter
• samarbeide med foreldre og føresette

Arbeidsoppgåver

• planleggje og gjennomføre lesefremjande tiltak for barn og unge ved folkebiblioteket
• ha særleg ansvar for litteraturformidling til barn og unge
• bidra til reetablering og utvikling av skulebiblioteka
• vere ein ressurs for lærarar i arbeidet med leseopplæring
• rettleie og støtte elevar i utvikling av leseferdigheiter
• samarbeide med og rettleie føresette
• inspirere føresette til å vere gode lesemodellar
• styrkje samarbeidet mellom skule og bibliotek
• leggje tilrette for gode lesearrangement for barn og foreldre i regi av folkebiblioteket på ettermiddagar og einsklide laurdagar

Kvalifikasjonar

• relevant utdanning innan bibliotek eller opplæring t.d. bibliotekar, skulebibliotekar, lærar eller barnehagelærar med vidareutdanning i leseopplæring
• kompetanse eller erfaring innan leseopplæring er ønskjeleg
• kunnskap om og interesse for barne- og ungdomslitteratur
• gode digitale ferdigheiter

Godkjent politiattest må leggjast fram før tilsetting (ikkje eldre enn tre månader).

Kommunen har nynorsk administrasjonsmål. Vi ber om at du lastar opp attestar og vitnemål i Webcruiter saman med søknaden.

Personlege eigenskapar

• er engasjert og inspirerande
• har gode samarbeidsevner
• arbeider sjølvstendig og strukturert
• har gode kommunikasjons- og formidlingsevner
• har evne til å motivere barn, unge og vaksne

Vi tilbyr

• ei spennande og utviklingsorientert stilling
• moglegheit til å påverke og utvikle leseopplæringa i kommunen
• tett samarbeid med skular og bibliotek
• løn etter avtale
• gode forsikrings- og pensjonsordningar
• IA-bedrift

Herøy kommune er i kommunegruppe 5, noko som vil seie at dersom du bur og arbeider i kommunen, kan du frå 1.januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen.

Vi tilset etter gjeldande tariffavale, lover og reglement. Søkarlista kan verte offentleg. Aktuelle kandidatar vil verte kalla inn på intervju.

Kontaktinformasjon

Hilde Hestås, Avdelingsleiar grunnskule/PPT, +47 97542422

Arbeidsstad

Lisjebøvegen 14 6091 Fosnavåg

Nøkkelinformasjon:

Arbeidsgivar: Herøy kommune Referansenr.: 5147949696 Stillingsprosent: 100% Engasjement Startdato: 01.10.2026 Sluttdato: 30.09.2027 Søknadsfrist: 02.08.2026