Jobbspesialist

Vil du gjere ein forskjell for menneske som ønskjer å kome ut i arbeidslivet? Då kan dette vere jobben for deg!

Vi søkjer jobbspesialist til Arbeid med støtte! I Nav region Vest er vi på jakt etter ein kollega som ønskjer ein spennande jobb med stor fridom i kvardagen, samstundes som du arbeider etter den anerkjende metoden Supported Employment.

Vi har ledig eit inntil 1 års engasjement med oppstart ca 1. desember 2026.

Nav region Vest består av dei to kontora Nav Askøy og Nav Øygarden. Vi er om lag 140 tilsette til saman i regionen. Du vil vere ein del av ei regional avdeling der marknad, tiltak og jobbspesialistar er plasserte. Du vil ha kontortilhøyrsle ved Nav Øygarden, og vil òg vere knytt til ei avdeling der. Nav Øygarden er lokalisert sentralt på Straume, og vi har om lag 90 tilsette. Vi har ein aktivitetsbasert arbeidsplass med stort fokus på eit godt arbeidsmiljø.

Du vil vere ein del av Arbeid med støtte-teamet vårt, som består av fem dyktige jobbspesialistar og éin metoderettleiar. Du vil følgje opp arbeidssøkjarar frå begge kontora. Primærmålgruppa er ungdom under 30 år, men vi vil og ha deltakere over 30 år. Du vil ha deltakarar i porteføljen din frå begge kontora. Vi forventar at du er til stades ved begge kontora. Den viktigaste arbeidsplassen finn du ofte ute blant folk. Meir enn 40 prosent av arbeidstida di blir brukt ute i næringslivet, saman med eller på vegner av kandidatane. Du etablerer kontakt med arbeidsgjevarar, byggjer relasjonar og identifiserer moglegheiter for arbeid og utdanning.

Kva går jobben ut på?

• kartleggje deltakarane sine ressursar, interesser og mål, og utarbeide planar mot arbeid eller fag- og yrkesopplæring
• følgje opp og rettleie deltakarar gjennom heile prosessen mot arbeid eller utdanning, også på arbeidsplassen
• byggje, utvikle og vedlikehalde nettverk med arbeidsgivarar, og identifisere arbeids- og opplæringsmoglegheiter i arbeidsmarknaden
• drive oppsøkjande arbeid overfor arbeidsgivarar for å avdekkje kompetansebehov og inkluderingsmoglegheiter
• samarbeide med arbeidsgivarar, utdanningsinstitusjonar, behandlarar, Nav-rettleiarar og andre relevante samarbeidspartnarar
• motivere og støtte deltakarar og arbeidsgivarar for å skape varige løysingar for arbeid og deltaking
• ha ansvar for framdrift, dokumentasjon og rapportering i eigen portefølje
• arbeide etter Supported Employment-metodikken

Kva kompetanse er viktig i denne rolla?

Du må ha

• fullført utdanning på minimum bachelornivå. Relevant erfaring og/eller utdanning kan kompensere for kravet.
• erfaring med rettleiing, arbeidsinkludering og nettverksbygging
• god munnleg og skriftleg framstillingsevne på norsk
• gode digitale ferdigheiter
• erfaring frå Supported Employment-metodikken
• førarkort klasse B

Det ein fordel om du har

• kjennskap til den lokale og regionale arbeidsmarknaden

Kva ser vi etter hos deg?

• du trur på at alle menneske, uavhengig av utfordringar, kan få og behalde ein ordinær jobb
• du er god til å bygge relasjonar og kommunisere med ulike menneske
• du er resultatorientert og samstundes oppteken av kvalitet i oppfølginga
• du trivst med oppsøkande arbeid og samarbeid med arbeidsgivarar
• du er sjølvstendig, strukturert og tek ansvar for eiga portefølje

Kvifor velje oss?

• meiningsfulle og varierte arbeidsoppgåver i tverrfaglege team
• eit inkluderande og engasjert arbeidsmiljø
• gode moglegheiter for fagleg og personleg utvikling
• fleksibel arbeidstid, heimekontorordning og moglegheit for trening i arbeidstida
• god pensjonsordning gjennom Statens pensjonskasse
• stillingskode 1434 rådgjevar, med lønsspenn frå kr 640 000 til kr 670 000. For særs kvalifiserte søkjarar kan høgare lønn vurderast.

Les meir om Nav som arbeidsgivar

Kontaktinformasjon

Vibeke Gjervik, Avdelingsleiar, 40477119, Vibeke.Gjervik@nav.no

Arbeidssted

Grønamyrvegen 18 5353 Straume

Nøkkelinformasjon:

Arbeidsgiver: Nav Referansenr.: 5173022010 Stillingsprosent: 100% Vikariat Startdato: 01.12.2026 Sluttdato: 31.12.2027 Søknadsfrist: 04.10.2026