Dutkanráđđeaddi/ -seniorráđđeaddi

Bargoviidodat virggis

Sámi allaskuvlla lea gelddolaš áigodagas mas leat earret eará ovdánahttime ođđa strategiijaplána, digitaliseren lassána, ja bargame dan ovdii ahte nannet dutkan- ja oahppokvalitehta.

Oahppo- ja dutkanhálddahusas lea rabas bistevaš 100% virgi dutkanráđđeaddin/ seniorráđđeaddin. Álgin sohppojuvvo.

Virgái leat biddjon iešheanalaš ja viiddis barggut ja earenoamáš ovddasvástádus loktet ja ođasmahttit dutkanhálddahuslaš suorggi, kvalitehta ja doaimmaid Sámi allaskuvllas.

Barggut leat earet eará:

• Ovttasráđiid fágabirrasiiguin ja fágalaš jođiheddjiiguin ovdánahttit Sámi allaskuvlla ođđa dutkanstrategiija ja hábmet vuođu Sámi allaskuvlla boahtteáiggi dutkanprofiilii
• Dutkanstrategiija čuovvulahttit hálddahuslaččat
• Ovdánahttit ja nannet ollislaš dutkanprošeaktavuogádaga, erenoamážit olggobeale ruhtagálduid ektui
• Dutkanhálddahuslaš áššemeannudeapmi
• Oassálastit dutkanhálddahuslaš kvalitehtavuogádaga ovdánahttimis, ee. ovdánahttit, systematiseret ja ođastit dutkandoarjjavuogádagaid rutiinnaid
• Riikkaidgaskasaš dutkanfierpmádagaid ovdánahttit ja čuovvulahttit ovttas fágalaš jođiheddjiiguin
• Eará doaimmat maid lagamus hoavda bidjá

Sámi allaskuvlla oahppo- ja dutkanhálddahus lea allaskuvllas stuorámus hálddahuslaš ossodat. Ossodaga doaibma lea čatnon ja geatnegahtton čuovvut áiggis áigái gustovaš lágaid ja láhkaásahusaid dutkansuorggis. Ásahusa njuolggadusat ja rutiinnat leat muđui vuođđun ossodaga bargguide. Ossodat galgá doaibmat dutkanhálddahuslaš doarjjan Sámi allaskuvlla fágalaš jođiheapmái, fágagođiide, fágabirrasiidda ja eaŋkildutkiide. Virggis gáibiduvvo viiddis ovttasbarggu eará ossodagaiguin ja gođiiguin. Barggut leat dan geažil hui máŋggabealat ja gáibidit buori áddejumi ja bajilgova organisašuvnnas ja fágasurggiin.

Virggi ja goađi bargoviidodat ja ovddasvástádussuorggit sáhttet rievdat ásahusa dárbbuid mielde.

Gelbbolašvuođagáibádusat

• Relevántta oahppu universitehta dahje allaskuvlla dásis mii unnimusat vástida bachelorgráda, muhto lea sávahahtti ahte lea mastergráda. Duođaštus relevánta reálagelbbolašvuođas sáhttá buhtadit oahppogáibádusa
• Buorre čálalaš ja njálmmálaš máhttu sámegielas, skandinávalaš gielas ja eaŋgalasgielas
• Ovdamunni jus lea gaskkustangealbu digitála reaidduid ja SoMe bokte
• Dovdamuš allaskuvlla- ja universitehtasektorii lea ovdamunni
• Vásáhus almmolaš áššemeannudeamis ja áššemeannudanvuogádagain lea ovdamunni
• Juridihkalaš ipmárdus lea ovdamunni
• Lea sávahahtti ahte dovdá Sámi allaskuvlla fágasurggiid ja lea beroštupmi sámi ja álgoálbmot dutkamii
• Attáldat kritihkalaččat smiehttat ja ođasmahttit hálddahuslaš proseassaid

Persovnnalaš attáldagat:

Mii ohcat du guhte

• leat veahkkái ja ovddasvástideaddji
• nagodat vuoruhit, bargat mearrediđolaččat ja struktuvrralaččat
• leat iešheanalaš bargguid čađaheamis
• válddát initiatiiva bargguide ja leat hutkái čovdosiidda
• loavttát bargat bargobirrasis gos olu iešguđetge barggut ja proseassat oktanaga
• leat dárkil ja nákcet gárvet áššiid maiddái oanehis áigemeriin
• bures gulahalat ja ovttasbarggat earáiguin
• systemáhtalaččat ja analyhtalaččat barggat
• leat diđolaš ovdánahttimis

Bálká

Virgi bálkáhuvvo Stáhta bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš virgekodaid mielde:

• Ráđđeaddi, virgekoda 1434
• Seniorráđđeaddi, virgekoda 1364

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Mii fállat

• Virggi mas ovdánahttinvejolašvuođat, viiddis ja máŋggabealat fágabirrasis
• Ođđaáigásaš visttiid
• Máŋggabealat čálgofálaldagaid
• Heivehahtti bargoáiggi
• Ealli sámegielbirrasa guovddáš sámi guovllus

Ohcan

Ohcan sáddejuvvo elektrovnnalaččat www.jobbnorge.no bokte, oktan dain dokumentašuvnnaiguin:

• CV
• Duođaštuvvon oahppo- ja bargoduođaštusat
• Eará relevántta duođaštusat
• Bivdit du maiddái almmuhit guokte (2) referánsa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis.

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Dievdoolbmot ávžžuhuvvojit ohcat dásseárvvo- ja vealahanlága § 11 ja § 29 vuođul. Jus guovtti dahje eanet ohcciin lea sullii seamma gelbbolašvuohta virgái, de vuoruhuvvo dievdoolmmoš ovddabeallái nissonolbmo dásseárvvo- ja vealahanlága § 11 vuođul

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu oahppo- ja dutkanhoavddas Áilá Márge Varsi Balto tlf. +4778448503, eboasta: ailamvb@samas.no.