Allmennlege (100 %) – kommunal tilsetjing, Rosendal/Hatlestrand.
Kvinnherad Kommune Helse · Kvinnherad, Vestland
AI-sammendrag
Om stillingen
Kvinnherad kommune søkjer ein lege i 100 % fast stilling som allmennlege med arbeidsstad delt mellom Hatlestrand helsesenter (3 dagar/veke) og Rosendal helsesenter (2 dagar/veke). Stillingen passar for spesialist i allmennmedisin eller lege i ALIS-løp. Listelengda er tilpassa til ca. 750–800 pasientar, med moglegheit for gradvis opptrapping. Vaktordninga er 14-delt kommunal legevakt. Ønskt oppstart er 01.06.2026, eller etter avtale.
Om arbeidsgiveren
Kvinnherad kommune Helsetenester er ei offentleg underverksemd med 40 tilsette i bransjen for allmennlegetenester, lokalisert i Kvinnherad kommune i Vestland. Kommunen har totalt 18 fastlegar i kurativ teneste, og ved Rosendal helsesenter arbeider seks fastlegar i eit etablert kontorfellesskap. Kommunen er registrert utdanningsverksemd i allmennmedisin og tilbyr rettleiing, internundervisning og ALIS-løp. Stillinga gir kommunal fastlønn med offentleg pensjonsordning – utan goodwill.
Søknad og frist
Søknadsfrist: 23. august 2026.
Annonsetekst
Drøymar du om å kombinere faglege utfordringar med naturskjønne omgjevnader?
Kvinnherad kommune søkjer ein engasjert spesialist i allmennmedisin eller lege i ALIS‑løp til 100 % kommunal tilsetjing. Stillinga er delt mellom Hatlestrand helsesenter (tre dagar/veke) og Rosendal helsesenter (to dagar/veke). Du blir samstundes ein del av det faglege fellesskapet ved Rosendal helsesenter, der seks fastlegar arbeider i kontorfellesskap (felles AS), i tillegg til ein LIS1‑lege. Fire av legane er spesialistar i allmennmedisin, og vi har medisinstudent to gonger i året (6 veker kvar gong).
Liste og arbeidsoppgåver Stillinga omfattar vanlege fastlegeoppgåver med tilpassa listelengd (ca. 750–800 pasientar), justert etter erfaring og ønskt arbeidsmengde. Du får god støtte lokalt på Hatlestrand (sjukepleiar til stades tre dagar i veka) og tilgang til kollegialt miljø, internundervisning og rettleiing ved Rosendal. Ønskt oppstart er 01.06.2026, eller etter avtale.
Organisering og fagmiljø Kvinnherad har om lag 13 100 innbyggjarar. Legegruppa tel 18 fastlegar i kurativ teneste, i tillegg til LIS1, 3 sjukeheimslegar (210 %) og kommuneoverlege (100 %). Kommunen har Frisklivssentralen og folkehelsekoordinator. Legekontora nyttar InfoDoc Plenario i sky, er knytte til Norsk Helsenett og har elektronisk meldingsutveksling med pleie‑ og omsorgstenesta. Det er eit godt fagleg og kollegialt fellesskap, god rettleiing og bakvaktordning for legevakt, samt godt samarbeid med lokal ambulanseteneste. Vaktordninga er for tida 14‑delt. Kvinnherad legevakt er bemanna med sjukepleiar på kveldstid og helgedagar og ligg vegg i vegg med ambulansestasjon.
Arbeidsoppgåver
- Utøvande legetenester som fastlege i samsvar med lov‑ og avtaleverk
- Kollegial fråværsdekning
- Deltaking i kommunal legevakt etter gjeldande avtalar (14‑delt per i dag)
- Tilplikta offentlege oppgåver: helsestasjonslege 4 % ved Hatlestrand helsesenter
Kvalifikasjonar
- Norsk autorisasjon som lege
- Spesialist i allmennmedisin, eller lege i ALIS‑løp
- Gode munnlege og skriftlege norskkunnskapar (minst B2, gjerne C1)
- Oppfyller krav for refusjonsrett hjå Helfo
- Søkjar må ha førarkort
- Politiattest må leggjast fram før tiltreding
ALIS og kompetanse Kvinnherad kommune er registrert utdanningsverksemd i allmennmedisin. For kandidatar i ALIS‑løp tilbyr vi individuell utdanningsplan, rettleiing og internundervisning.
Vi tilbyr:
- Kommunal fastlønsstilling (100 %) med offentleg pensjonsordning og gode forsikringsordningar
- Det er ingen goodwill knytt til stillinga
- Offentleg pensjonsordning
- Bur du i Kvinnherad og er i jobb, kan du etter eitt år få sletta 25 000 kroner av studielånet
- Per i dag er det ingen eigedomsskatt på hus, hytter og næring
- Gratis SFO, kommunal reduksjon i foreldrebetaling i barnehage og søskenmoderasjon
- Trygt og godt oppvekstmiljø
- Natur i verdsklasse – fjord, fjell og friluftsliv rett utanfor døra
- Tilpassa listelengd og gradvis opptrapping ved behov
- Sterkt fagmiljø ved Rosendal med kollegafellesskap, internundervisning og rettleiing
- Sjukepleiarstøtte på Hatlestrand (3 dagar/veke)
- God tilgang til kurs – vi legg til rette for kompetanseutvikling
- Hjelp til å skaffe bustad, og dekking av flyttekostnader etter gjeldande reglar
Kvinnherad kommune hjelper til med å skaffe bustad, og flytting blir betalt etter gjeldande reglar.
Nærare opplysningar om stillinga, økonomiske vilkår m.m. kan ein få hos:
Kommuneoverlege Glenn A. Opland tlf. 977 09 308
glenn.opland@kvinnherad.kommune.no
Einingsleiar Irina Zimina tlf. 488 94 055
irina.zimina@kvinnherad.kommune.no
Dagleg leiar ved Rosendal helsesenter Trygve Torjusen tlf. 901 84 194
trygve.b.torjusen@kvinnherad.kommune.no
Link til søknadsskjema: Søk her
Lignende stillinger
Nordlys Vikar søker 1 lege til vikariat på heltid ved et fastlegekontor nær Lofoten, oppstart uke 48.
Konstali Helsenor søker 1 helsefagarbeider med ALS-erfaring til nattvikariat på heltid i Vestland, fra 1. desember 2026.
Dignus Medical søker fastlegevikar på heltid til et legekontor på Vestlandet, 04.01.27–26.02.27, med reise og bolig inkludert.
Aalborg Universitetshospital Syd søker 1 anestesisykepleier til fast heltidsstilling i Anaesthesia Unit 1 i Aalborg.