Organisasjonssjef - Vestland

NORGES BONDELAG søker organisasjonssjef - den mest spannende jobben for landbruket i Vestland Vestland er eit stort landbruksfylke kjenneteikna av ein variert topografi og bruksstruktur. Grovforbasert husdyrhald med aktivt beitebruk pregar jordbruket. Saman med dei kraftforbaserte husdyrproduksjonane og ein vesentleg produksjon av frukt, bær, potet og grønsaker gjer dette Vestland viktig for Norge sin samla matproduksjon og beredskap. Landbruksnæringa legg grunnlaget for ein variert og viktig næringsmiddelindustri, med stor verdiskaping og mange arbeidsplassar. Landbruket er ein viktig del av Vestland sitt grøne næringsliv, og Vestland Bondelag har ei nøkkelrolle i å ivareta vestlandsbonden sine interesser. Vestland Bondelag har om lag 7000 medlemmer, 70 lokallag og eit offensivt fylkesstyre. Vi er til samen fem fast tilsette og har kontor i Bergen og Førde. Arbeidsoppgåvene vil i hovudsak vere:

• næringspolitisk og fagleg verksemd
• organisasjonsarbeid og bistand til fylkes- og lokallag
• kontakt med statlege og fylkeskommunale forvaltningsorgan
• samarbeid med organisasjonane i landbruket
• medie- og politikarkontakt
• drift av fylkeskontorene

Vi søkjer ein person som har god kjennskap til landbruket og organisasjonane i næringa, og som har interesse for landbruket. Du har stor arbeidskapasitet, gode samarbeidsevner, engasjement og evne til å arbeide sjølvstendig. At du er utåtvend og i godt humør, set vi òg pris på. Søkjar bør ha høgare utdanning og/eller relevant erfaring innan landbruk eller organisasjonsarbeid. Vi tilbyr eit godt arbeidsmiljø med trivelege og engasjerte kollegaer, fleksitid, noko reiseverksemd, gode personal- og forsikringsordningar og konkurransedyktig løn. Nærare opplysningar om stillinga får du ved å kontakte fylkesleiar Jan Erik Fløtre på tlf. 911 03 118, Elin Røed på tlf. 928 18 333 eller personalsjef Catharina Andersen på tlf. 905 15 152. Søknad med CV sender du innan søknadsfristen 13. august 2026 til stilling@bondelaget.no via "søk på stilling" knappen på denne siden.