Selskapsroller for Malin Helen Leversund Standal

Føretaket skal være eit kompetansesenter for flyktning- og innvandrarfaglege spørsmål, og skal oppfylle Kinn kommune sine oppgåver og plikter i dei til ei kvar tid gjeldande avtaler mellom Kinn kommune og staten. Føretaket skal drive asylmottak, kvalifisering, busetjing og integrering av flyktningar og innvandrarar i tråd med Kinn kommune sine mål og retningsliner for flyktningarbeidet, slik dei kjem til uttrykk i flyktning-, innvandrar og skuleplanen og andre kommunale vedtak. Føretaket skal forvalte på beste måte fast eigedom og lausøyre som Kinn kommune stiller til disposisjon for føretaket. I den grad føretaket nyttar tenester i Kinn kommune, skal føretaket betale vederlag for dette til kommunen. Dersom kommunen nyttar tenester frå føretaket, skal kommunen betale vederlag til føretaket for dette. Føretaket skal nytte Kinn kommune sitt dokumentsenter. Drifta skal vere effektiv, mest mogeleg lønsam og berekraftig over tid. Budsjett, handlingsprogram og årsrapport skal dokumentere resultatkrav og resultat. Definisjon av formål og ansvarsområde er uttømmande. Styret og dagleg leiar har ikkje mynde til å treffe avgjerd på område som ikkje er nemnt ovanfor.