Selskapsroller for Arild Langseth

Å ta vare på og halde oppe hardingfeletradisjonane slik dei har vakse fram gjennom hundreår, med sine særmerkje i dei ulike bygdelagi, distrikta og områda i landet. Laget sitt arbeid femner om det særnorske instrumentet hardingfela og desse ulike områda: kjennskapen til felemakarar og til deira særlege kunnskap, skjøn og kunst. Likeeins om instrument med særskilde kvalitetar og eigenskapar. Om spelemenn og -kvinner og deira slåttedikting og -utforming, og om særtrekka ved desse uttrykksformene slik dei syner seg som samla uttrykk; med utøvaren si tonedikting, tradisjon og slåtteføring, og kvart instrument sitt særeigne tonemål. Vidare skal laget ta vare på tradisjonelle slåttar frå dei ulike områda i landet der desse enno er tilgjengelege, anten ved direkte læring av spelemenn/kvinner, eller ved lydopptak/filmopptak. Huldraleiken Hardingfelelag ser desse tradisjonane som ein eineståande arv med store kultur- og kunstskattar innan vårt land, som er eineståande i verdsmålestokk. Laget har som mål å auke medlemsmassen. Å holde ein ordna lagøkonomi, då laget sit på ei eiga instrumentsamling. Ved kjøp og salg må laget holde ein god lagøkonomi. Då vil laget kunne disponere dei gode instrumenta. Laget har eigen felemakar, som har sin eigen verkstad.