Anskaffing og innføring av turnusgenerator

Tokke, Seljord og Nissedal kommunar ønskjer opsjon på å inngå avtale om kjøp av turnusgenerator. Alle deltakarane i konkurransen ønskjer opsjon på funksjonalitet for prediksjon av bemanningsbehov basert på tidlegare fråværstrendar (sjukefråvær, ferie, permisjon).

Leverandøren skal ha ordna forhold når det gjeld innbetaling av skattar og avgifter i landet der verksemda er etablert. Documentation requirements: Oppdragsgjevaren hentar inn skatteattest via eBevis (gjeld berre norske leverandørar). Ved innlevering av tilbod via KGV får leverandøren ein førespurnad om samtykke via Altinn. Dersom samtykke ikkje blir gjeve, må skatteattest leverast manuelt via KGV. I så fall skal attesten hentast frå Altinn.no. Attesten skal vere gyldig og ikkje vere eldre enn 6 månader rekna frå utløpet av tilbodsfristen. Norske leverandørar som ikkje er meirverdiavgiftspliktige, skal leggje fram ei stadfesting frå skattemyndigheitene som dokumenterer dette. Utanlandske leverandørar skal leggje fram attestar frå tilsvarande styresmakter i etableringslandet sitt, som dokumenterer at dei har ordna forhold når det gjeld skatt og meirverdiavgift.

Leverandøren skal vere registrert i eit føretaksregister eller eit handelsregister i landet der leverandøren er etablert. Documentation requirements: Oppdragsgjevaren kan hente inn firmaattest via eBevis (gjeld berre norske leverandørar). Alternativt må firmaattest sendast inn manuelt via KGV. Utanlandske selskap skal leggje fram offisiell dokumentasjon som stadfestar registrering i bransjeregister eller føretaksregister, i samsvar med lovgivinga i etableringslandet.

Leverandøren skal ha ei økonomisk og finansiell soliditet som gjev oppdragsgjevaren tryggleik for at leverandøren vil vere økonomisk levedyktig i heile avtaleperioden. Documentation requirements: Leverandøren skal leggje fram ei utvida kredittvurdering/-rapport, ikkje eldre enn 3 månader, frå eit offentleg godkjent kredittvurderingsselskap. Rapporten skal byggje på dei sist kjende rekneskapstala, og datoen for vurderinga må kome tydeleg fram. Kredittvurderinga må vere lik A (kredittverdig) eller betre, målt etter Bisnode Norge AS sitt AAA‑ratingsystem – eller tilsvarande skår frå andre velrenommerte ratingselskap. Vurderinga skal vere utført av ei kredittopplysningsverksemd med konsesjon til å drive slik verksemd. Negativ eigenkapital, gjentekne underskot og dårleg likviditet kan òg vere grunnlag for avvising i konkurransen. Selskap som ikkje oppfyller krava til tilfredsstillande kredittvurdering, inkludert nystarta selskap med kredittrating AN, enkelte utanlandske selskap eller selskap utan innrapporteringsplikt til Brønnøysundregistrene, kan kompensere med alternativ dokumentasjon som gjev tilsvarande tryggleik for gjennomføringsevna. Slik dokumentasjon skal følgje med som ein del av tilbodet. Oppdragsgjevaren kan kontrollere kredittvurderinga opp mot Creditsafe. Leverandøren skal òg leggje ved årsrekneskap med revisjonsmelding for 2023 og 2024.

Hovudregelen er at miljø skal vek­tast med 30 % i tildelingskriteria når vektinga er relativ, jf. FOA § 7‑9. Oppdragsgjevaren skal leggje vekt på å minimere miljøbelastninga og fremje klimavennlege løysingar i anskaffingane sine. Arten av anskaffinga i dette tilfellet er kjøp av ei digital, skybasert løysing. Vidare omfattar anskaffinga vedlikehald og vidareutvikling av det den digitale løysinga. Arbeidet med vedlikehald og vidareutvikling av løysinga kan samanliknast med ei konsulentteneste utan særleg reiseverksemd, og blir derfor vurdert å ha eit uvesentleg klimaavtrykk og miljøbelastning. På denne bakgrunnen blir anskaffinga, ut frå arten av anskaffinga, vurdert å ha eit uvesentleg klimaavtrykk og miljøbelastning, og fell dermed inn under unntaksregelen i FOA § 7‑9 (5).