Rammeavtale transport og behandling av restavfall

Retura Søre Sunnmøre har rett til å tiltre avtalen for avfallskategoriane C, D1 og D2. Retura Søre Sunnmøre kan velje å tiltre for ein eller fleire kategoriar, og berre for behandling eller både behandling og transport.

Kvalifikasjonskrav: Leverandøren skal vere registrert i eit føretaksregister, fagleg register eller eit handelsregister i den staten leverandøren er etablert. - Dokumentasjonskrav: Norske leverandørar: Firmaattest Utanlandske leverandørar: attest for registrering i faglege register som bestemt i tråd med lovgjevinga i det landet leverandøren er etablert.

Kvalifikasjonskrav: Leverandøren skal ha ein økonomi som er tilfredsstillande nok til å kunne gjennomføre sine kontraktsforpliktingar. - Dokumentasjonskrav: Kredittvurdering som baserer seg på siste kjende rekneskapstal. Denne skal vere utførd av kredittopplysningsverksemd som har konsesjon til å drive med slik verksemd. Oppdragsgjevar forbeheld seg retten til å sjølv innhente kredittvurdering av leverandøren. Nyetablerte selskap som ikkje har opparbeidd grunnlag for kredittvurdering må leggje ved erklæring frå bank, revisor eller liknande finansieringsinstitusjon vedkomande føretaket si økonomiske og finansielle stilling. Dersom leverandør har sakleg grunn til å ikkje legge fram den dokumentasjonen Oppdragsgjevar krev, for eksempel dersom han meiner at informasjonen ikkje gir eit korrekt bilete av den økonomiske situasjonen til leverandør, kan leverandør dokumentere sin økonomiske og finansielle stilling ved å leggje fram andre dokument Oppdragsgjevar ser som eigna.

Kvalifikasjonskrav: Leverandøren skal ha tilstrekkeleg kompetanse og erfaring til å gjennomføre kontrakten på ein tilfredsstillande måte. - Dokumentasjonskrav: Leverandør skal levere ei oversikt med inntil 3 liknande leveransar som leverandøren har utført i løpet av dei siste 5 åra. Oversikta skal innehalde opplysningar om kontraktanes verdi, tidspunkt for levering eller utføring og namn på mottakar. Ansvarleg kontaktperson hjå leverandør og kunde skal kome tydeleg fram og inkludere telefonnummer.

Leverandørane skal fylle ut alle prispostar i Vedlegg 3, Bilag 1 «Prisskjema». I evalueringa vil Oppdragsgjevar rekne ut ei handlekorg beståande totalsummen for transport, behandling og CO-2 avgift, i tråd med estimert tonnasje. I evalueringa vil prisane for alle kategoriane (A, B1 og B2) leggjast saman. Sjå konkurransegrunnlagets punkt 5 for meir informasjon.

Leverandøren skal svare på alle krav med tilhøyrande dokumentasjonskrav i Rammeavtalens Vedlegg 2 «Kravspesifikasjon. Sjå konkurransegrunnlagets punkt 5 for meir informasjon.

Tildelingskriteriet Miljø består av to underkriterium: - Energigjenvinningsgrad - Transportkilometer For underkriteriet energigjenvinningsgrad skal Leverandøren angi dokumentert energigjenvinning R1 i Rammeavtalens Vedlegg 1 punkt 6.4 «Energigjenvinningsgrad». For underkriteriet transportkilometer skal leverandøren i Rammeavtalens Vedlegg 1 punkt 7 «Transportkilometer» angi antall transportkilometer mellom VØR sitt hovudkontor på Torvmyrane 29, 6160 Hovdebygda og mottaksanlegget (en veg) for kvar avfallskategori i hovudleveransen (A, B1 og B2). Sjå konkurransegrunnlagets punkt 5 for meir informasjon.