Innovativ anskaffelse skulehelseteneste

Haram kommune gjenoppstod 01.01.2024. I den anledning har kommunen ei unik moglegheit til å etablere, utvikle og gjennomføre innovative tenester i ulike kommunalområder. Haram kommune var kjent for Haramsmodellen, som er ein samarbeidsmodell mellom offentleg, privat og utdanningsinstitusjonar. Samarbeidet har ført til mange gode tiltak som har kome lokalsamfunnet til gode; blant anna gode integreringsprosessar, nye næringsnære utdanningsløp og rekrutteringstiltak. Denne formen for samarbeid vil Haram kommune vidareutvikle og næringslivet, frivillige lag og organisasjonar og innbyggarar er med på laget. Haram kommune står som mange andre kommunar framfor utfordringar når det gjeld blant anna demografi, folkehelse, digitalisering og økonomi. Utfrå desse utfordringane ønsker vi i første omgang å sette fokus på skulehelsetenesten. Det viser seg ofte at det er nyutdanna helsesjukepleiarar som vert tilsett i stillingar som helsesjukepleiar i skulen og dei vert mykje aleine i arbeidskvardagen. Korleis dei legg opp arbeidet i tråd med retningslinjer frå Helsedirektoratet er opp til kvar einskild. Dette fører til at det er ulik praksis og rutine innad i kommunen. Det finnes ingen strukturerte verktøy i arbeidet. Gode relasjonar i tidleg alder er viktig for at born skal utvikle seg til trygge og robuste individ. Forsking viser at barnehage og skule er dei to viktigaste arenaene for t.d. psykisk helse. Møte med helsesjukepleiar i barneskulen vil derfor kunne utgjere ein forskjell. Utan systematiserte og effektive verktøy, som tek vare på retningslinjene frå Helsedirektoratet, er ein då avhengig av kvar einskild helsesjukepleiar sin personlegdom, erfaring og kreativitet. Dette fører til store ulikheiter i tilbodet og ein bruker mykje tid på å finne gratis og tilfeldig digitalt materiell. Journalføring er lovpålagt etter kvar samtale, men det finns ikkje eit strukturert system og det kan oftare oppstå avvik. Dette er utgangspunktet for at Haram kommune ønsker å vere med på å utvikle eit digitalt verktøy som effektiviserer, strukturerer og gjer arbeidskvardagen lettare for skulehelsesjukepleiarar. Vi ønsker å gjere dialogen enklare mellom elev og helsesjukepleiar og som er med å styrke mental helse. Digitalisering gir moglegheit for effektivisering og lik praksis av tilbodet. Datafangsten skapar også grunnlag for individuelle analyser både på eit kommunalt og nasjonalt nivå. Ein vil med eit digital samtaleverktøy profesjonalisere arbeidet.