Intensjonskunngjering: Avtale om ERP-løysing

Voss herad har til intensjon å inngå avtale om overgang frå Visma Enterprise on-premise til Visma skyløysing (Visma Enterprise Pluss) med Visma AS. Voss herad har mottatt melding frå Visma AS om «end-of-life» for noverande Enterprise-løysing 31.12.2025.For Voss herad vil ikkje dette vere tilstrekkeleg med tid til å skildra komplett behov for framtidas ERP-løysing og samstundes gjennomføre anbodskonkurranse og prosjekt med tilstrekkeleg kvalitet innan 31.12.2025. Voss herad har hatt som ambisjon å gjennomføra ein ordinær anbodsprosess, men gjennom grundig marknadsdialog kom det fram at andre leverandørar ikkje kunne levere eit slikt produkt no. Voss herad har difor til intensjon å inngå ein mellombels løypande avtale med Visma Enterprise Plus. Avtalen vil kunne terminerast med eitt års varsel.Voss herad har starta prosessen med utgreiing av framtidas ERP-løysing og behov for funksjonalitet. Det vil krevje omfattande og grundige utgreiingar før ein kan publisere anbodskonkurranse for dette systemet. Ein sentral del av kommande utgreiing er om det i åra framover vil vere aktuelt med eitt ERP-system eller om det kan vere aktuelt med fleire delsystem og/eller leverandørar av ulike fagsystem. Voss herad har som intensjon å publisere anbodskonkurranse for nye ERP-løysing(ar) og bruk innan 2029.