Fagsystem for brannvern

Kommunane Alver, Aurland, Austrheim, Austevoll, Fedje, Gulen, Masfjorden, Modalen, Osterøy, Samnanger, Sveio og Vaksdal har etablert felles IKT driftsselskap, IKT Nordhordland kommunalt oppgåvefellesskap (IKTNH). Nordhordland Brann og redning er eit kommunalt samarbeid mellom kommunane Alver, Austrheim og Modalen. IKTNH skal på vegne av Nordhordland Brann og Redning anskaffa fagsystem for brann og redning. Nordhordland Brann og Redning har per i dag ikkje noko fagsystem for den operative verksemda. Drifta i dag støttast av generiske verktøy som Excel og Outlook. Ei kartlegging viste eit tydeleg behov for eit systemstøtte for tenesta og at ingen eksisterande system i IKTNH eller kommunen si portefølje kunne levere nødsynt støtte. Hovudmålet for konkurranseutlysinga blir å skaffa og implementere eit godt fagsystem som understøtter Brannvesenet og som kan bidra til å sikra at ein har oversikt og kontroll på oppfølging av mannskap, bilar, utstyr, kompetanse, båtar, stasjonar, kommunikasjon i tråd med lovkrav og andre interne retningslinjer.

Innkjøpet vert gjennomført i høve til «lov om offentlege anskaffelser» av 17. juni 2016 (LOA) og «Forskrift om offentlige anskaffelser» (FOA) FOR 2016-08-12-974 del I jfr. FOA § 5-4 (8).