Carport Volda omsorgssenter

Reetablere vassleidning til brannhydrant til ny posisjon. Brannhydrant på området må flyttast til ny plassering. Foreslått plassering er på enden av den eine carporten. Vassledning fram til brannhydrant er plassert under grøntanlegg langs fasaden på omsorgssenteret. Entreprenør skal inkludere alle gravekostnadar og alt førebuande arbeid for omlegginga, men sjølve arbeidet med flytting av vassleidninga er sett som opsjon.

Kvalifikasjonskrav: Leverandøren skal ha ein økonomi som er tilfredsstillande nok til å kunne gjennomføre sine kontraktsforpliktingar. - Dokumentasjonskrav: Kredittvurdering som baserer seg på siste kjende rekneskapstal. Denne skal vere utførd av kredittopplysningsverksemd som har konsesjon til å drive med slik verksemd. Oppdragsgjevar forbeheld seg retten til å sjølv innhente kredittvurdering av leverandøren. Nyetablerte selskap som ikkje har opparbeidd grunnlag for kredittvurdering må leggje ved erklæring frå bank, revisor eller liknande finansieringsinstitusjon vedkomande føretaket si økonomiske og finansielle stilling. Dersom leverandør har sakleg grunn til å ikkje legge fram den dokumentasjonen Oppdragsgjevar krev, for eksempel dersom han meiner at informasjonen ikkje gir eit korrekt bilete av den økonomiske situasjonen til leverandør, kan leverandør dokumentere sin økonomiske og finansielle stilling ved å leggje fram andre dokument som Oppdragsgjevar ser som eigna.

Kvalifikasjonskrav: Leverandøren skal vere registrert i eit føretaksregister, fagleg register eller eit handelsregister i den staten leverandøren er etablert. - Dokumentasjonskrav: Norske leverandørar: Firmaattest Utanlandske leverandørar: attest for registrering i faglege register som bestemt i tråd med lovgjevinga i det landet leverandøren er etablert.

Kvalifikasjonskrav: Leverandøren skal ha tilstrekkeleg kompetanse og erfaring til å gjennomføre kontrakten på ein tilfredsstillande måte. - Dokumentasjonskrav: Erfaring og referansar Leverandør skal levere ei oversikt med inntil 3 liknande leveransar som leverandøren har utført i løpet av dei siste 5 åra. Oversikta skal innehalde opplysningar om kontraktane sin verdi, tidspunkt for levering/ utføring og namn på mottakar. Ansvarleg kontaktperson hjå leverandør og kunde skal kome tydeleg fram og inkludere telefonnummer. Tiltaksklasser for entreprisen Dersom leverandør ikkje har sentral godkjenning for ansvarsrett, må det leggjast ved dokumentasjon på at leverandør oppfyller krav for tiltaksklasse (ansvarleg utførande) for fylgjande arbeidsområde: Tiltaksklasse 1: • Uteareal og landskapsutforming (PRO) • Arkitekturprosjektering (PRO) • Konstruksjonssikkerheit (PRO) • Oppmålingsteknisk prosjektering (PRO) • Innmåling og utstikking av tiltak (UTF) • Veg- og grunnarbeider (UTF) • Plasstøpte betongkonstruksjoner (UTF) • Takarbeider (UTF) • Tømrerarbeid (UTF) • Landskapsutforming (UTF) • Vannforsynings og avløpsanlegg (UTF) Ved eventuell utløysing av opsjon på flytting av brannhydrant gjeld også: Tiltaksklasse 2: • Vannforsynings og avløpsanlegg (UTF) Opsjonen vert berre utløyst dersom vald leverandør oppfyller krav for tiltaksklasse 2 ansvarleg utførande. Godkjenning for asbestsanering Det skal leverast dokumentasjon på at bedrifta har gjennomført asbestsaneringskurs.

Leverandør skal i Vedlegg 3 «Kontraktsprisar og prisvilkår» punkt 4.1 «Byggjekost hovudleveranse» angi pris for kvar prispost. Totalsum byggjekost vert lagt til grunn i evalueringa. Prisane for opsjon i same vedlegg punkt 4.2 og rekningsarbeid i punkt 4.3 inngår ikkje i evalueringa. Ved samanlikning av tilbod vil Oppdragsgjevar bruke ein forholdsmessig modell.