Intensjonskunngjering Vinje kommune

Vinje kommune ynskjer å utvide eksisterande avtale med Geomatikk AS til levering av løysing for eit komplett oppslagsverk for historisk arkivinformasjon.

Vinje kommune har behov for å utvide eksisterande avtale med Geomatikk AS. Me ser at alle data, informasjon og filer som alt ligg i BraArkiv / GeoDoc vil spare oss for svært mykje arbeid i høve til å ta i bruk i eit nytt system. Me har Elements som saks/arkiv-system og integrasjon mellom dette og BraArkiv / GeoDoc er ein viktig parameter ved utviding av dagens avtale.Me har undersøkt om det kan finnast andre leverandørar som kan tilby løysingar som støttar dei krava og ynskja me har ved utviding av dagens avtale, men har ikkje funne aktuelle leverandørar. Basert på dette, anskaffingsverdien, i tillegg til prinsippet om gevinstrealisering av eksisterande arbeid med å legge inn data, informasjon og filer i dagens system, så har me intensjon om å utvide dagens avtale med Geomatikk AS.