Kjøp av brukt opplæringsbuss til Os VGS

Det er oppdragsgjevar si vurdering at Os vidaregåande skule her tilfredsstiller vilkåra i FOA § 5-2 (1) bokstav c, jf også bokstav b, for å kunne gjennomføre kjøp av opplæringsbuss utan konkurranse. Vi legg til grunn at politiske føringar om styrka utdanning av bussjåførar ved landslina for yrkessjåførar, samt den aktuelle løyvinga til innkjøp av materiell, har kome med så kort tidshorisont at kombinasjonen av tidsbruk til anskaffingsprosess og leveringstid for valde produkt ikkje lar seg gjennomføre innan start på skuleåret 2023-24. Vi vurderer vilkåret i FOA § 5-2 (1) bokstav c som oppfylt. Vidare har Os vidaregåande skule gjort undersøkingar i marknaden for brukte opplæringsbussar som kan leverast innan skulestart, og har fått eit tilbod som dei vurderer som fordelaktig. I tillegg til at prosessen i stor grad har ivareteke konkurransekravet i regelverket, kan det også framstå som at skulen har fått eit «usedvanlig fordelaktig tilbod» som langt på veg oppfyller vilkåret i FOA § 5-2 (1) bokstav b. Oppdragsgjevar vurderer at Os vidaregåande skule, etter å ha intensjonskunngjort kontrakten i Doffin, kan inngå kjøpskontrakt med selskapet Moss Trafikk og Transportopplæring AS for kjøp av brukt opplæringsbuss.