Dokument system oppvekst

Kommunane i Sysikt-samarbeidet har til intensjon å inngå avtale om suppleringskjøp av modulen Visma Flyt sikker sak (for skule og bhg) og Flyt Samspill (for bhg). Frå før av har alle kommunane Flyt Skole, Flyt barnehage og Flyt timeplan. I tillegg har kommunane, utan ein, Flyt Samspill for skule. Løysinga må støtte opp om dei krav som ligg i kommunane sin digitaliseringsstrategi. Dette for å sikre gevinstar i forhold til kvalitet, arbeidsprosessar og effektivisering. Kommunane har behov for å implementere eit system som skal integrerast med Flyt skule og Flyt barnehage.

Kommunane i Sysikt-samarbeidet har behov for å anskaffe eit system som skal integrerast med Flyt skule og Flyt barnehage frå Visma. Systemet skal og oppfylle kommunane sine krav til sikker kommunikasjon og sikker handsaming av personsensitive personopplysingar. Etter å ha undersøkt marknaden, meiner kommunane at det berre er ein tilbydar, Visma, som kan oppfylle krava til kommunane. Dette blir understøtta av at andre kommunar har intensjonskunngjort same anskaffing utan at andre potensielle leverandørar har meldt seg. Etter våre undersøkingar eksisterer ikkje andre produkt/tilbydarar som dekkjer kommunane sitt samla behov, jfr. Forklaring og framstilling ovanfor. Med bakgrunn i dette og henvisning til anskaffelsesforskrifta § 13-4 bokstav b nr.2, har kommunane difor til hensikt å inngå kontrakt, dersom det ikkje kjem innsigelsar på kontraktinngåinga. Dersom det er innsigelsar kan desse sendast til kontaktpersonen for kunngjeringa innan den 25.09.2021 kl 12:00